ନ୍ୟୁୟର୍କ .- ମଧ୍ୟ ପ୍ରାଚ୍ୟ ଅଞ୍ଚଳରେ ଥିବା ମିତ୍ର ଦେଶମାନଙ୍କରେ ଆମେରିକା ସୁରକ୍ଷା ପାଇଁ ଅତ୍ୟାଧୁନିକ କ୍ଷେପଣାସ୍ତ୍ର ମୁତୟନ କରିଥିଲା । ଶୀତଳ ଯୁଦ୍ଧ ସମୟରେ ମଧ୍ୟ ଅନେକ କ୍ଷେପଣାସ୍ତ୍ର ମୁତୟନ କରାଯାଇଥିଲା । ଆମେରିକାରେ ପ୍ରକାଶିତ ଓ୍ୱାଲ ଷ୍ଟ୍ରିଟ୍ ଜର୍ଣ୍ଣାଲ ଅନୁସାରେ ଆମେରିକା ଏବେ ମଧ୍ୟପ୍ରାଚ୍ୟ ଅଞ୍ଚଳରୁ ଅନେକ କ୍ଷେପଣାସ୍ତ୍ର ଓ ବିମାନ ନିରୋଧି କ୍ଷେପଣାସ୍ତ୍ର ସିଷ୍ଟମକୁ ହଟାଇ ଦେଉଛି ।
କୁଏତ୍, ଜୋର୍ଡାନ ଓ ବାହାରିନ୍ରୁ ଆମେରିକା ଅନେକ କ୍ଷେପଣାସ୍ତ୍ରକୁ ହଟାଇ ଦେଉଥିବା ଏଥିରେ ଖବର ପ୍ରକାଶିତ ହୋଇଛି । ଏବେ ଚୀନ , ଋଷ ଓ ଇରାନ ସହ ଆମେରିକାର ତିକ୍ତତା ବୃଦ୍ଧି ପାଇଛି । ଆସନ୍ତା ମାସ ସୁଦ୍ଧା ଅନେକ କ୍ଷେପଣାସ୍ତ୍ର ସିଷ୍ଟମକୁ ହଟାଇ ଦିଆଯିବ ବୋଲି ସୂଚନା ମିଳିଛି । ମାତ୍ର କେଉଁ ସ୍ଥାନରେ ଏଗୁଡିକ ପୁନଃ ସ୍ଥାପନ କରାଯିବ ସେ ବିଷୟରେ ସୂଚନା ଦିଆଯାଇ ନାହିଁ ।
