ୱାଶିଂଟନ: ଆଫଗାନିସ୍ତାନରୁ ଆମେରିକାର ଲଜ୍ଜାଜନକ ପ୍ରତ୍ୟାହାର ପରେ ରାଷ୍ଟ୍ରପତି ଜୋ ବାଇଡେନ ତୀବ୍ର ସମାଲୋଚନାର ଶିକାର ହୋଇଛନ୍ତି। ଇତି ମଧ୍ୟରେ ତାଙ୍କର ଏକ ପୋଷ୍ଟରକୁ ନେଇ ଚର୍ଚ୍ଚା ଜୋର ଧରିଛି। ପୋଷ୍ଟରରେ ବାଇଡେନଙ୍କୁ ତାଲିବାନ ଆତଙ୍କୀ ପୋଷାକରେ ଦେଖିବାକୁ ମିଳିଛି। ଏତସହ ସେ ହାତରେ ମୋର୍ଟାର ଧରିଛନ୍ତି। ପୋଷ୍ଟରରେ ଲେଖାହୋଇଛି, ‘ତାଲିବାନକୁ ପୁଣି ମହାନ ଶକ୍ତି ରୂପେ ଗଢି ତୋଳିବା(ମେକିଂ ତାଲିବାନ ଗ୍ରେଟ୍ ଏଗେନ୍)’। ଏଠାରେ ସୂନାଯୋଗ୍ୟ ଯେ, ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ବାଚନୀ ପ୍ରଚାର ସମୟରେ ‘ଆମେରିକାକୁ ପୁଣି ମହାନ ଶକ୍ତି ରୂପେ ଗଢି ତୋଳିବା(ମେକିଂ ଆମେରିକା ଗ୍ରେଟ୍ ଏଗେନ୍’ ନାରା ଖୁବ୍ ଲୋକପ୍ରିୟ ହୋଇଥିଲା।
Who’s responsible for the Joe Biden Taliban billboard over I-83 in Pennsylvania? https://t.co/z0HoIgTOlS
— WBTW News13 (@WBTWNews13) September 17, 2021
ମିଡିଆ ରିପୋର୍ଟ ମୁତାବକ, ପେନସିଲଭାନିଆର ପୂର୍ବତନ ସିନେଟର ସ୍କଟ ୱାଗନର୍ ରାଷ୍ଟ୍ରପତି ଜୋ ବିଡେନଙ୍କ ବିରୋଧରେ ଏହି ପୋଷ୍ଟର ଲଗାଇଛନ୍ତି। ସେ ପ୍ରାୟ ୧୫ ହଜାର ଡଲାର ମୂଲ୍ୟରେ ରାଜପଥରେ ଏକ ଡଜନରୁ ଅଧିକ ବିଲବୋର୍ଡ଼ ଭଡ଼ାରେ ନେଇ ଏଭଳି ପୋଷ୍ଟର ଲଗାଇଛନ୍ତି। ଏକ ସାକ୍ଷାତକାରରେ ସେ କହିଛନ୍ତି, ଜୋ ବାଇଡେନଙ୍କ ଗୋଟିଏ ଭୁଲ୍ ନିଷ୍ପତ୍ତି ପାଇଁ ଆମେରିକାକୁ ସାରା ଦୁନିଆ ଆଗରେ ଲଜ୍ଜିତ ହେବାକୁ ପଡ଼ିଲା।
ପୂର୍ବତନ ସିନେଟର କହିଛନ୍ତି ଯେ ସେ ଟ୍ରମ୍ପଙ୍କ ସମର୍ଥକ ନୁହଁନ୍ତି। ଟ୍ରମ୍ପ ଯଦି ଏପରି ନିଷ୍ପତ୍ତି ନେଇଥାନ୍ତେ, ତେବେ ସେ ମଧ୍ୟ ଏଭଳି କରିଥାନ୍ତେ। ସେ କହିଛନ୍ତି ଯେ ଆମେରିକୀୟ ସୈନ୍ୟ ପ୍ରତ୍ୟାହାର ନିଷ୍ପତ୍ତି ସ୍ଥଗିତ ରଖିବାକୁ ବାଇଡେନଙ୍କୁ ଚାପ ପକାଯାଇଥିଲା, କିନ୍ତୁ ସେ କାହାରି କଥା ଶୁଣିଲେ ନାହିଁ।
