ଲଖନଉ : ଉତ୍ତରପ୍ରଦେଶର କାସଗଞ୍ଜ ଜିଲାରେ ଶନିବାର ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଟ୍ରାକ୍ଟର ଓଲଟି ୭ ଶିଶୁ ସହ ୧୫ ଶ୍ରଦ୍ଧାଳୁଙ୍କ ଜୀବନ ଚାଲି ଯାଇଛି। ପଟିଆଲୀ-ଦରିୟାଗଞ୍ଜ ମାର୍ଗରେ ସକାଳେ ପ୍ରାୟ ୧୦ଟା ସମୟରେ ଶ୍ରଦ୍ଧାଳୁ ଯାଉଥିବା ଏକ ଟ୍ରାକ୍ଟର ଅନିୟନ୍ତ୍ରିତ ହୋଇ ପୋଖରୀକୁ ଖସି ପଡି ଏହି ଦୁର୍ଘଟଣା ଘଟିଛି। ଟ୍ରାକ୍ଟର ଓଲଟିବା ପରେ ଶ୍ରଦ୍ଧାଳୁ ମାନେ ଏହା ତଳେ ଦବି ଯାଇଥିଲେ। ଏଯାଏଁ ୧୫ ଜଣଙ୍କ ମୃତ୍ୟୁ ହୋଇଛି।
ମୃତକଙ୍କ ମଧ୍ୟରେ ୮ ଜଣ ମହିଳା ଓ ୭ ଜଣ ଶିଶୁ ରହିଛନ୍ତି ବୋଲି ପ୍ରାଥମିକ ତଦନ୍ତରୁ ଜଣାପଡିଛି। କିଛି ଶ୍ରଦ୍ଧାଳୁଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଘଟଣାସ୍ଥଳରୁ ହସ୍ପିଟାଲ ପର୍ଯ୍ୟନ୍ତ ହଇଚଇ ସୃଷ୍ଟି ହୋଇଥିଲା। ଉଦ୍ଧାର କାର୍ଯ୍ୟ ଜାରି ରଖାଯାଇଛି। ମୃତକଙ୍କ ମଧ୍ୟରେ ଗୋଟିଏ ପରିବାରର ଅନେକ ଲୋକେ ସାମିଲ ରହିଛନ୍ତି। ମାଘ ପୂର୍ଣ୍ଣିମା ହେତୁ ଗଙ୍ଗା ସ୍ନାନ ପାଇଁ ଶ୍ରଦ୍ଧାଳୁ ଯାଉଥିଲେ ବୋଲି ସୂଚନା ମିଳିଛି।
ମର୍ମନ୍ତୁଦ ; ଗଙ୍ଗା ସ୍ନାନ ପାଇଁ ଯାଉଥିଲେ, ଟ୍ରାକ୍ଟର ଓଲଟି ୧୫ ଶ୍ରଦ୍ଧାଳୁ ମୃତ
Popular Categories
Previous article
Next article