ନୂଆଦିଲ୍ଲୀ : ମଥୁରାର ଜେଣ୍ଟ ଥାନା ଅନ୍ତର୍ଗତ ଦିଲ୍ଲୀ-ଆଗ୍ରା ଜାତୀୟ ରାଜପଥରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। କାରରେ ଥିବା ପ୍ରାୟ ୪ ଜଣ ଯାତ୍ରୀଙ୍କର ମୃତ୍ୟୁ ଘଟିଛି। ଏହାସହ ୨ ଜଣ ଗୁରୁତର ହୋଇଛନ୍ତି। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ସଭିଁଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ।
ମିଳିଥିବା ସୂଚନାନୁଯାୟୀ, କାରରେ ଥିବା ୫ ଜଣ କୋସି ନନ୍ଦଗାଓଁ ରୋଡରେ ସ୍ଥିତ କୋକିଲାବନ ଶନିଧାମ୍ ଦର୍ଶନ କରିବାକୁ ଯାଉଥିଲେ। ଜାତୀୟ ରାଜପଥ ନିକଟରେ ଥିବା ଏକ ଢାବାକୁ ଜଣେ ଟ୍ରକ ଚାଳକ ଖାଦ୍ୟ ଖାଇବାକୁ ଯିବାକୁ ରାସ୍ତା ପାର୍ କରୁଥିବା ସମୟରେ ଏହି କାର୍ଟି ତାଙ୍କୁ ଧକ୍କା ଦେବା ପରେ ଅନିୟନ୍ତ୍ରିତ ହୋଇ ରାସ୍ତା କଡରେ ଠିଆ ହୋଇଥିବା ଅନ୍ୟ ଟ୍ରକକୁ କାର୍ଟି ଧକ୍କା ଦେଇଥିଲା। ଏହାପରେ ଏହି ଟ୍ରକର ଚାଳକ ଟ୍ରକକୁ ନେଇ ସେଠାରୁ ଫେରାର ହୋଇଯାଇଥିଲା। ଘଟଣା ସ୍ଥଳରେ କାର୍ରେ ଥିବା ୫ ଜଣଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ ଘଟିଛି। ଦୁର୍ଘଟଣାରେ ଆହତ ଟ୍ରକ ଚାଳକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ପୁଲିସ ଘଟଣାର ତଦନ୍ତ କରୁଛି।
ଟ୍ରକକୁ ଧକ୍କା ଦେଲା କାର୍ ; ୪ ମୃତ
Popular Categories
Previous article
Next article