ଜାଣନ୍ତୁ କ’ଣ ରହିଛି ଏହି ନଦୀର ସ୍ୱତନ୍ତ୍ରତା

ଶିଲୋଂ : ଜଳ ଶକ୍ତି ମନ୍ତ୍ରାଳୟ ଦ୍ୱାରା ଟ୍ୱିଟରରେ ଏକ ନଦୀର ଫଟୋ ସେୟାର କରାଯାଇଛି। ଏହି ଫଟୋରେ ଦେଖାଯାଉଛି, ମେଘାଳୟର ଏକ ନଦୀ ଯେଉଁଥିରେ ଏକ ଡଙ୍ଗାରେ କିଛି ଲୋକେ ବସିଛନ୍ତି। ମାତ୍ର ବିଶେଷ କଥା ହେଉଛି, ଏହି ନଦୀର ପାଣି ଏତେ ସ୍ୱଚ୍ଛ ଯେ, ନଦୀର ଭିତରେ ଥିବା ସବୁଜ ଛୋଟ ଛୋଟ ଗଛ ଓ ପଥର ସମ୍ପୂର୍ଣ୍ଣ ଭାବେ ଦେଖାଯାଉଛି।

One of the cleanest rivers in the world. It is in India. River Umngot, 100 Kms from Shillong, in Meghalaya state. It seems as if the boat is in air; water is so clean and transparent. Wish all our rivers were as clean. Hats off to the people of Meghalaya. pic.twitter.com/pvVsSdrGQE

— Ministry of Jal Shakti ?? #AmritMahotsav (@MoJSDoWRRDGR) November 16, 2021

ଜଳ ଶକ୍ତି ମନ୍ତ୍ରାଳୟର ଟ୍ୱିଟ ଅନୁଯାୟୀ, ଫଟୋରେ ଦେଖାଯାଉଥିବା ଏହି ନଦୀର ନାମ ହେଉଛି ଉମନଗୋତ । ଯେଉଁଥିରେ ଏକ ଡଙ୍ଗା ଯାଉଛି। ନଦୀର ଜଳ ଏତେ ପରିମାଣରେ ସ୍ୱଚ୍ଛ ଯେ, ପାଣି ବଦଳରେ ଡଙ୍ଗା ପବନରେ ଯାଉଥିବା ଭଳି ଅନୁଭବ ହେଉଛି।
ଜାଣନ୍ତୁ ଏହି ନଦୀ ବିଷୟରେ ….
ମେଘାଳୟର ଉମନଗୋତ ନଦୀକୁ ସବୁଠାରୁ ସ୍ୱଚ୍ଛ ନଦୀର ମାନ୍ୟତା ମିଳିଛି। ଏଠାରେ ପାଣି କାଚକେନ୍ଦୁ ପରି ସଫା। ଡଙ୍ଗା ଏହି ନଦୀରେ ଦର୍ପଣ ବା କାଚ ଉପରେ ଭାସିବା ପରେ ଲାଗେ। ଏହି ନଦୀ ଶିଲୋଂଠାରୁ ୮୫ କିଲୋମିଟର ଦୂର ଭାରତ-ବାଂଲାଦେଶ ସୀମା ନିକଟ ପୂର୍ବ ଜୟାଂନ୍ତିଆ ଜିଲାରୁ ବାହାରିଛି। ଲୋକେ ଏହି ସ୍ଥାନକୁ ପାହାଡରେ ଲୁଚି ରହିଥିବା ସ୍ୱର୍ଗ ବୋଲି କହିଥାନ୍ତି। ଏହି ନଦୀର ଜଳ ଏତେ ସ୍ୱଚ୍ଛ ହେବାର ଶ୍ରେୟ ଏଠାରେ ବାସ କରୁଥିବା ଖାସ୍‍ ଆଦିବାସୀ ସମ୍ପ୍ରଦାୟର ଲୋକଙ୍କ ମଧ୍ୟରେ ଚାଲିଆସୁଥିବା ସମ୍ପ୍ରଦାୟକୁ ଦିଆଯାଏ। ସଫାଇ ସେମାନଙ୍କ ସଂସ୍କାରରେ ରହିଛି। ବୃଦ୍ଧମାନେ ସ୍ୱଚ୍ଛତାକୁ ପରଖିଥାନ୍ତି। ଉମନଗୋତ ନଦୀ ୩ଟି ଗ୍ରାମ ଯଥାକ୍ରମେ ଦାଭକୀ, ଦାରଙ୍ଗ ଏବଂ ଶୋନାଗ୍ନଡେଙ୍ଗ ଦେଇ ପ୍ରବାହିତ ହେଉଛି। ପର୍ୟ୍ୟଟକଙ୍କ ଆଗମନ ପରେ ମଧ୍ୟ ମାସରେ ଦୁଇରୁ ୪ ଦିନ ନଦୀକୁ ସଫା କରାଯାଇଥାଏ। ସେହି ଦିନ ଗ୍ରାମର ପ୍ରତ୍ୟକ ଘରୁ ଜଣେ ଲେଖାଏଁ ଲୋକ ନଦୀ ସଫା କରିବାକୁ ଆସିଥାନ୍ତି। ଅଳିଆ ଆବର୍ଜନା କରୁଥିବା ଲୋକଙ୍କୁ ୫୦୦୦ ଟଙ୍କା ଜୋରିମାନା ଦେବାକୁ ପଡ଼ିଥାଏ। ଏଠାକୁ ଅକ୍ଟୋବରରୁ ନଭେମ୍ବର ମଧ୍ୟରେ ସର୍ବାଧିକ ପର୍ୟ୍ୟଟକଙ୍କ ଆଗମନ ହୋଇଥାଏ। ବର୍ଷା ଋତୁରେ ଏଠାରେ ବୋଟିଂ ବନ୍ଦ ରହିଥାଏ।