ନୂଆଦିଲ୍ଳୀ: ଦେଶର ବେରୋଜଗାରୀ ହାର ୪୫ ବର୍ଷର ସର୍ବୋଚ୍ଚ ସ୍ତରରେ ପହଞ୍ଚିଛି। ୨୦୧୭-୧୮ରେ ବେକାରୀ ହାର ୬.୧% ହୋଇଥିବା ଜାତୀୟ ନମୁନା ସର୍ବେକ୍ଷଣ କର୍ତ୍ତୃପକ୍ଷଙ୍କ ପକ୍ଷରୁ ପ୍ରକାଶିତ ଶ୍ରମ ଶକ୍ତି ସର୍ବେକ୍ଷଣରୁ ଜଣାପଡ଼ିଛି। ବିଧିବଦ୍ଧ ଭାବେ ଏହି ରିପୋର୍ଟ ପ୍ରକାଶ ପାଇନଥିଲେ ମଧ୍ୟ ଏକ ଖବରକାଗଜ ସଂସ୍ଥା ଉକ୍ତ ରିପୋର୍ଟକୁ ଉଦ୍ଧାର କରି ଉପରୋକ୍ତ ଖବର ପ୍ରକାଶ କରିଛି। ନିଜ ଶେଷ ବଜେଟ୍ ଉପସ୍ଥାପନ କରିବାକୁ ଯାଉଥିବା ମୋଦୀ ସରକାରଙ୍କୁ ଏହି ଖବର ଅଡ଼ୁଆରେ ପକାଇପାରେ ବୋଲି ଆଲୋଚନା ହେଉଛି।
ଉକ୍ତ ଖବରକାଗଜ ପକ୍ଷରୁ ପ୍ରକାଶିତ ତଥ୍ୟାନୁଯାୟୀ, ୧୯୭୨-୭୩ ପରେ ଦେଶରେ ନିଯୁକ୍ତି ହାର ଉଦ୍ବେଗଜନକ ଭାବେ ହ୍ରାସ ପାଇଛି। ୨୦୧୧-୧୨ରେ ବେରୋଜଗାରୀ ହାର ୨.୨ ପ୍ରତିଶତ ଥିବା ବେଳେ ଯୁବ ବେରୋଜଗାରୀ ହାର ୧୩ ରୁ ୨୭%କୁ ଛୁଇଁଥିଲା। ଗ୍ରାମାଞ୍ଚଳରେ ବେରୋଜଗାରୀ ହାର ୫.୩% ଥିବା ବେଳେ ସହରାଞ୍ଚଳରେ ୭.୮% ଥିଲା। ସମୟକ୍ରମେ ଏହି ହାର ଉଦ୍ବେଗଜନକ ଭାବେ ବୃଦ୍ଧି ପାଇବାରେ ଲାଗିଛି। ଉକ୍ତ ଖବରକୁ ସରକାରୀ ଅଧିକାରୀମାନେ ଅସ୍ୱୀକାର କରି କହିଛନ୍ତି ଯେ ସମ୍ପୂର୍ଣ୍ଣ ତଥ୍ୟ ଆଧାରରେ ପୂର୍ଣ୍ଣାଙ୍ଗ ରିପୋର୍ଟ ପ୍ରସ୍ତୁତ ହେବା ପରେ ବାସ୍ତବ ସ୍ଥିତି ଜଣାପଡ଼ିବ।
୪୫ ବର୍ଷ ରେକର୍ଡ ଭାଙ୍ଗିଲା ବେରୋଜଗାରୀ!
Popular Categories
Previous article
Next article