କେନ୍ଦୁଝରଗଡ଼ : ଓଡିଶା ସାହିତ୍ୟ ଏକାଡେମୀର ସଚିବ ସାହିତ୍ୟପ୍ରାଣ ପ୍ରବୋଧ କୁମାର ରାଉତଙ୍କ ଅକାଳ ବିୟୋଗରେ ଶୁକ୍ରବାର ମିଳନୀ ସାହିତ୍ୟ ସଂସଦ ପକ୍ଷରୁ ଏକ ଶୋକସଭା ଅନୁଷ୍ଠିତ ହୋଇଯାଇଛି । ରାଜ୍ୟର ଅଗ୍ରଣୀ ସାହିତ୍ୟାନୁଷ୍ଠାନ ମିଳନୀ ସାହିତ୍ୟ ସଂସଦର ସଭାପତି କବି ଦେବାଶିଷ ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୋକସଭା ପ୍ରାରମ୍ଭରେ ଦିବଙ୍ଗତ ଆତ୍ମାର ସଦ୍ଗତି କାମନା କରି ଏକ ମିନିଟ୍ ନିରବ ପ୍ରାର୍ଥନା କରାଯାଇଥିଲା।
ଅନୁଷ୍ଠାନର ସମ୍ପାଦକ ଡ. ଚିତ୍ତ ରଞ୍ଜନ ମିଶ୍ର ଦିବଙ୍ଗତ ସଚିବ ଶ୍ରୀ ରାଉତଙ୍କୁ ଜଣେ ସାହିତ୍ୟପ୍ରାଣ ବ୍ୟକ୍ତିତ୍ୱ ବୋଲି ଅଭିହିତ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସଭାପତି ଶ୍ରୀ ଚକ୍ରବର୍ତ୍ତୀ ଦିବଙ୍ଗତ ସଚିବ ପ୍ରବୋଧ ରାଉତଙ୍କୁ ଜଣେ କର୍ତ୍ତବ୍ୟନିଷ୍ଠ ଅଧିକାରୀ ତଥା ସଡିଶାରେ ସାହିତ୍ୟର ବିକାଶରେ ଏକ ସମର୍ପିିତ ବ୍ୟକ୍ତିତ୍ୱ ଥିଲେ ବୋଲି ଅଭିହିତ କରିଥିଲେ । ଅନୁଷ୍ଠାନର ବରିଷ୍ଠ ସଦସ୍ୟ ପ୍ରାଧ୍ୟାପକ ସୁଧା ଦାଶଙ୍କ ସଂଯୋଜନାରେ ଅନୁଷ୍ଠିତ ଶୋକସଭାରେ ମିଳନୀ ଉପସଭାପତି ଇନ୍ଦୁମତୀ ପାତ୍ର, ପ୍ରାଧ୍ୟାପକ ଜଗନ୍ନାଥ ଜେନା, ଓଡିଶା ସାହିତ୍ୟ ଏକାଡେମୀ ସଦସ୍ୟ ପିନାକୀ ମିଶ୍ର, ଦେବଦର୍ଶନ ଦାଶ, ଚିନ୍ତାମଣୀ ମହାଳିକ, ଜିତେନ୍ଦ୍ର ପରିଡା, ହରିହର ମହାନ୍ତ, ସନ୍ତୋଷିନୀ ଦାଶ (ଗିରି) ପ୍ରମୁଖ ସ୍ୱର୍ଗତଃ ରାଉତଙ୍କ ସ୍ମୃତିଚାରଣ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
