ଟିଟିଲାଗଡ଼: ପୌର ନିର୍ବାଚନ ପାଇଁ ଟିଟିଲାଗଡ଼ ସହରରେ ଆଜି ସକାଳୁ ବିଭିନ୍ନ ବୁଥରେ ପ୍ରବଳ ଭିଡ଼ ପରିଲକ୍ଷିତ ହୋଇଛି । ପୌରାଞ୍ଚଳର ୧୫ଟି ୱାର୍ଡରେ ଭୋଟ ଗ୍ରହଣ ପାଇଁ ନିର୍ବାଚନ କମିଶନଙ୍କ ପକ୍ଷରୁ ୨୮ଟି ବୁଥର ବ୍ୟବସ୍ଥା ହୋଇଛି । ବଲାଙ୍ଗୀର ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦେଶକ ସୁଶାନ୍ତ ସିଂ, ଟିଟିଲାଗଡ଼ ଉପଜିଲ୍ଲାପାଳ ମନୋଜ ସତ୍ୟାୱାନ ମହାଜନ, ନିର୍ବାଚନ ଅଧିକାରୀ ତଥା ବଲାଙ୍ଗୀର ଜିଲା ନଗର ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦେଶକ ସୁଦର୍ଶନ ସାଏ, ଏସଡିପିଓ ସୁରେନ୍ଦ୍ରନାଥ ଶତପଥୀଙ୍କ ତତ୍ୱାବଧାନଏ ଅବାଧ ନିର୍ବାଚନ ସୁନିଶ୍ଚିତ କରାଯାଇଛି । ରାଜ୍ୟ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ ନିଜ ଵାସ ଭବନରୁ ଚାଲି ଚାଲି ଆସି ପୌର ପରିଷଦର ୧୦ନମ୍ବର ୱାର୍ଡର ବାଳିକା ଉଚ୍ଚ ବିଦ୍ୟାଳୟର ଭୋଟ ଗ୍ରହଣ କେନ୍ଦ୍ରରେ ଅନ୍ୟ ମହିଳା ମାନଙ୍କ ସହ ଧାଡିରେ ଛିଡା ହୋଇ ନିଜ ମତ ସାବ୍ୟସ୍ତ କରିଛନ୍ତି ।
Comments are closed.