ଏହି ଉପାୟରେ ଭଲ ସମୟରେ ବଦଳିଯିବ ,ଖରାପ ସମୟ..

ଅନେକ ସମୟରେ ଏପରି ଦେଖାଯାଏ, ଆପଣଙ୍କ ଜୀବନରେ ଖରାପ ସମୟ ଲାଗି ରହିଥାଏ। ତେବେ ନିୟମିତ କିଛି ସରଳ ଉପାୟ ଆପଣାଇବା ଦ୍ୱାରା ମଣିଷର ଖରାପ ସମୟ ମଧ୍ୟ ଭଲ ସମୟରେ ପରିଣତ ହୋଇଥାଏ।
ଅନେକ ସମୟରେ ବାରମ୍ବାର ଚେଷ୍ଟା କରିବା ସତ୍ତେ୍ୱ ଅଭାବ,ଖରାପ ସମୟ ମଣିଷର ପିଛା ଛାଡିନଥାଏ। ଜୀବନଯାକ ସମସ୍ୟା ଓ ସଂଘର୍ଷ ଲାଗି ରହିଥାଏ। ଜ୍ୟୋତିଷ ଶାସ୍ତ୍ରରେ ଏଭଳି ସମସ୍ୟାରୁ ମୁକ୍ତି ପାଇବା ପାଇଁ କିଛି ଉପାୟ ବିଷୟରେ ବର୍ଣ୍ଣନା କରାଯାଇଛି। ଏହି ସବୁ ଉପାୟ ଆପଣାଇବା ଦ୍ୱାରା ମଣିଷର ଖରାପ ସମୟ ମଧ୍ୟ ଭଲ ସମୟରେ ପରିଣତ ହୋଇଥାଏ। ଜାଣନ୍ତୁ..
ସର୍ବ ପ୍ରଥମେ ବ୍ରହ୍ମ ମୁହୂର୍ତ୍ତରେ ଉଠି ନିଜ ହସ୍ତର ପାପୁଲି ଦେଖନ୍ତୁ। ଏହାପରେ ‘ଓଁ କରାଗ୍ରେ ବସତେ ଲକ୍ଷ୍ମୀ,କରମଧ୍ୟେ ସରସ୍ୱତୀ କରମୁଲେଃ ତୁ ଗୋବିନ୍ଦାଃ ପ୍ରଭାତେ କର ଦର୍ଶନମ୍‌‌’ମନ୍ତ୍ରର ଜପ କରନ୍ତୁ।
କୁହାଯାଏ, ହସ୍ତର ପାପୁଲିରେ ଗ୍ରହ ଓ ଦେବୀଦେବତାଙ୍କ ବାସ ରହିଛି। ଏହି କାରଣରୁ ପାପୁଲିକୁ ଦେଖିଲେ ସମସ୍ତ ଦେବୀଦେବତାଙ୍କ ଦର୍ଶନ ହୋଇଥାଏ ,ଦିନଯାକ ଭଲରେ ଅତିବାହିତ ହୋଇଥାଏ।
ହିନ୍ଦୁ ଧର୍ମରେ ଗାଈଙ୍କୁ ପୂଜନୀୟ କୁହାଯାଏ। ଏହାସହ ମାନ୍ୟତା ଅନୁଯାୟୀ ଗୋ ମାତାଙ୍କ ଦେହରେ ୩୩ କୋଟି ଦେବୀଦେବତାଙ୍କ ବାସ ରହିଛି। ତେଣୁ ସକାଳେ ପ୍ରଥମେ ଗାଈଙ୍କୁ ରୁଟି ଖାଇବାକୁ ଦିଅନ୍ତୁ।
ନିୟମିତ ସନ୍ଧ୍ୟା ସମୟରେ ତୁଳସୀଙ୍କ ନିକଟରେ ଘିଅର ଦୀପ ଜଳାଇ ଘରର ସୁଖସମୃଦ୍ଧି କାମନା କରନ୍ତୁ।
ପ୍ରତ୍ୟେକ ଶୁକ୍ରବାର ଭଗବାନ ବିଷ୍ଣୁଙ୍କୁ ତୁଳସୀ ଦଳ ଅର୍ପଣ କରନ୍ତୁ।
ପ୍ରଭୁ ହନୁମାନଙ୍କୁ ସଙ୍କଟମୋଚନ କୁହାଯାଏ। ପ୍ରତ୍ୟେକ ଦିନ ସକାଳେ ହନୁମାନ ଚାଳିଶା ପାଠ କରନ୍ତୁ।
ଗୁରୁବାର ଦିନ ପୂଜା କାର୍ଯ୍ୟରେ ହଳଦିଆ ରଙ୍ଗର ଫୁଲ, ଚଣା ଡ଼ାଲି, ହଳଦିଆ ବସ୍ତ୍ର, ହଳଦିଆ ଚନ୍ଦନର ବ୍ୟବହାର କରନ୍ତୁ। ନିଜେ ମଧ୍ୟ ହଳଦିଆ ବସ୍ତ୍ର ଓ ଫୁଲ ଧାରଣ କରିପାରିବେ।
ଏହିଦିନ କେସର ତିଲକ ମସ୍ତକରେ ନିଶ୍ଚୟ ଲଗାନ୍ତୁ।