ଶ୍ରୀନଗର: ଶ୍ରୀନଗରର ଖାନୟାରଠାରେ ଏକ ପୁଲିସ ଦଳ ଉପରକୁ ଆତଙ୍କିମାନେ ଆକ୍ରମଣ କରିଛନ୍ତି। ଏଥିରେ ଜଣେ ପୁଲିସ ଅଧିକାରୀ ଗୁରୁତର ଆହତ ହୋଇଛନ୍ତି। ରବିବାର ଅପରାହ୍ନ ପ୍ରାୟ ୧.୩୫ରେ ଆତଙ୍କିମାନେ ଖାନୟାରଠାରେ ପୁଲିସର ଏକ ନାକା ଦଳ ଉପରକୁ ଆଖିବୁଜା ଗୁଳି ଚଳାଇବା ଫଳରେ ଏଥିରେ ଜଣେ ଶିକ୍ଷାନବିଶ ସବ୍ ଇନ୍ସପେକ୍ଟର ଆର୍ଶିଦ ଅହମଦ ଗୁରୁତର ଆହତ ହୋଇଛନ୍ତି। ତାଙ୍କୁ ତୁରନ୍ତ ଚିକିତ୍ସା ନିମନ୍ତେ ଏସଏମଏଚଏସ ହାସପାତାଳକୁ ସ୍ଥାନାନ୍ତର କରାଯାଇଛି। ଆତଙ୍କି ଆକ୍ରମଣ ପରେ ସୁରକ୍ଷା ବାହିନୀ ଉକ୍ତ ଅଞ୍ଚଳକୁ ଘେରିଯାଇ ତଲାସି ଅଭିଯାନ ଆରମ୍ଭ କରିଦେଇଛନ୍ତି। ଗତ ମାସରେ ସୀମା ସୁରକ୍ଷା ବାହିନୀର ଏକ ଦଳ ଉପରେ ଜମ୍ମୁ କାଶ୍ମୀରର କୁଲଗାମ ଜିଲାରେ ଆକ୍ରମଣ କରାଯାଇଥିଲା।
Comments are closed.