ଭୁବନେଶ୍ୱର: ଭୁଶୁଡିଲା ରାଜ୍ୟ କୋଷାଗାର କାର୍ଯ୍ୟାଳୟ ପାଚେରୀ । ପ୍ରବଳ ବର୍ଷା ଯୋଗୁ ଖାରବେଳନଗର ସ୍ଥିତ ରାଜ୍ୟ କୋଷାଗାରର ୫୦ଫୁଟର ପାଚେରୀ ଭୁଶିଡି ପଡିଛି । ଯାହା ଫଳରେ ୪ଟି ଦାମୀ କାର ତଳେ ଚାପି ହୋଇଯାଇଛି । ଗୁରୁବାର ଦିନ ପ୍ରାୟ ୧୨ଟା ୪୫ମିନିଟରେ ଏହି ଘଟଣା ଘଟିଛି । ଏଥିରେ କେହି ଆହତ ହୋଇନଥିବା ବେଳେ କାର ଗୁଡିକ ପାଚେରୀ ତଳେ ଚାପି ହୋଇ ରହିଛି । ଘଟଣାସ୍ଥଳରେ ପୁଲିସ ପହଞ୍ଚି ଥିବାବେଳେ ଦମକଳ ବାହିନୀ କି କୋଷାଗାର କେହି କର୍ମଚାରୀଙ୍କ ଦେଖା ମିଳିନି । ତେବେ ଭଗ୍ନାବଶେଷ ଗୁଡିକ ହଟାଯିବା ପରେ କାର ଗୁଡିକୁ ବାହାର କରାଯିବ ।
ଭୁଶୁଡ଼ିଲା ରାଜ୍ୟ କୋଷାଗାର କାର୍ଯ୍ୟାଳୟର ପାଚେରୀ। ପାଚେରୀ ତଳେ ଦବି ଗଲା ୪ ଟି କାର। ପ୍ରାୟ ୫୦ ଫୁଟ୍ ପାଚେରୀ ଭାଙ୍ଗିଲା pic.twitter.com/JYM7FTWair
— Samaja Live (@samajalive) September 4, 2025
