ସୋର: ବାଲେଶ୍ବର ଜିଲାରେ ଉପରମୁଣ୍ଡରେ ପ୍ରବଳ ବର୍ଷା ଯୋଗୁଁ ପୌରପାଳିକାର ୧ ,୨ ଓ ୩ ୱାର୍ଡରେ ବର୍ଷା ଜଳରେ ଉବୁଡୁବ ହେଉଛି। ଶତାଧିକ ଘରେ ପାଣି ପସିବାରୁ ଲୋକେ ନାହିଁ ନ ଥିବା ଅସୁବିଧା ଭୋଗ କରୁଛନ୍ତି। ପୌରପାଳିକାର କଲେଜଛକ, ବରଫକଳ ଛକ, ଉତ୍ତରେଶ୍ଵର ଗଳାପୋଳରେ ଅଣ୍ଠୁଏ ପାଣି ପ୍ରବହିତ ହେଉଛି।
ସୂଚନା ଅନୁଯାୟୀ, ୧୦ ହଜାରରୁ ଉର୍ଦ୍ଧ୍ବ ଲୋକ ପ୍ରଭାବିତ ହୋଇଛନ୍ତି। ଶତଧିକଙ୍କ ଘରେ ପାଣି ପସିଯାଇଛି। ମଙ୍ଗଳପୁର ରାସ୍ତାରେ ଯାତାୟାତ ବାଧାପ୍ରାପ୍ତ ହେଇଛି। ବରଖୁଡୀ ଛକରୁ ବରଫକଳ ଏପ୍ରୋଜ ରୋଡ ଜଳମଗ୍ନ ହୋଇଛି। ୧ନଂ ୱାର୍ଡରେ ଆଦିବାସୀ ସାହୀ ୫୦ ଘର, ୨ନଂ ୱାର୍ଡର ବରଖୁଡୀ ୧୫ ଓ ୩ନଂ ୱାର୍ଡରେ ଚିନ୍ତାମଣୀ ପଦା ୪୦ରୁ ଉର୍ଦ୍ଧ୍ବ ଘରେ ପାଣି ପସିଯାଇଛି। ବର୍ଷା ଛାଡିଥିଲେ ବି ଜାତୀୟ ରାଜପଥରୁ ଏପ୍ରୋଜ ରୋ଼ଡରେ ପାଣି ଆଣ୍ଠୁରୁ ଉର୍ଦ୍ଧ୍ବରେ ପ୍ରବାହିତ ହେଉଛି। ବର୍ତ୍ତମାନ ସୁଧା ପାଣି ନିଷ୍କାସନ ପାଇଁ ପ୍ରଶାସନ ପଦକ୍ଷେପ ନିଆଯାଇ ନାହିଁ ।
Comments are closed.