ସମ୍ବଲପୁର: ପୂର୍ବତଟ ରେଳବାଇ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳରେ ୭୩ତମ ରାଜଭାଷା କାର୍ଯ୍ୟାନ୍ୱୟନ କମିଟି ବୈଠକ ଆୟୋଜିତ ହୋଇଯାଇଛି । ଶୁକ୍ରବାର ମଣ୍ଡଳ ସମ୍ମିଳନୀ କକ୍ଷରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରବନ୍ଧକ ପ୍ରଦୀପ କୁମାର ମୁଖ୍ୟ ଅତିଥି ରୂପେ ଯୋଗ ଦେଇ ପ୍ରଗତି ରିପୋର୍ଟ ସମୀକ୍ଷା କରିଥିଲେ । ଏଥି ସହ ହିନ୍ଦୀ ଭାଷାରେ ଦୈନନ୍ଦିନ କାର୍ଯ୍ୟ ଗୁଡିକୁ ବୃଦ୍ଧି କରିବା ନିମନ୍ତେ ସମ୍ୟକ ଧାରଣା ଦେଇଥିଲେ । ଏହି ଅବସରରେ ଅତିରିକ୍ତ ମୁଖ୍ୟ ରାଜଭାଷା ଅଧିକାରୀ ଓ ଅତିରିକ୍ତ ମଣ୍ଡଳ ରେଳ ପ୍ରବନ୍ଧକ ଆନନ୍ଦ ସିଂ ଗତ ତୈମାସିକରେ ଆୟୋଜିତ ହୋଇଥିବା ରାଜଭାଷା କାର୍ଯ୍ୟକଳାପ ଉପରେ ସୂଚନା ଦେଇଥିଲେ । ବରିଷ୍ଠ ମଣ୍ଡଳ ସଙ୍କେତ ଓ ଦୂର ସଞ୍ଚାର ଯନ୍ତ୍ରୀ ସନ୍ତୋଷ କୁମାର ଦେବାଙ୍ଗନ ବିଭାଗର କାର୍ଯ୍ୟକଳାପ ବିଷୟରେ ହିନ୍ଦୀ ଭାଷାରେ ଏକ ପାୱାର ପଏନ୍ଟ ଉପସ୍ଥାପନ କରିଥିଲେ । ମଣ୍ଡଳର ସମସ୍ତ ଅଧିକାରୀ ମାନେ ଏହି ବୈଠକରେ ଉପସ୍ଥିତ ରହିଥିଲେ । କାର୍ଯ୍ୟକ୍ରମକୁ ରାଜଭାଷା ଅଧିକାରୀ ଦୀପକ ପରସରାମପୁରିଆ ସଂଯୋଜନା କରିଥିଲେ ।
Comments are closed.