ଲମଡୁଙ୍ଗୁରୀରେ ଅଗ୍ନିକାଣ୍ଡ

ସମ୍ବଲପୁର: ଦିନକୁ ଦିନ ରୌଦ୍ର ତାପ ବୃଦ୍ଧି ପାଉଥିବା ବେଳେ ନିୟମିତ ସମ୍ବଲପୁର ତଥା ଆଖପାଖ ଅଞ୍ଚଳର ବଣଜଙ୍ଗଲ ଗୁଡିକରେ ଅଗ୍ନିକାଣ୍ଡ ଘଟଣାମାନ ଘଟି ଚାଲିଛି । ସମ୍ବଲପୁରର ଉପକଣ୍ଠ ମାଝିପାଲି ସ୍ଥିତ ଲମଡୁଙ୍ଗରୀ ସଂରକ୍ଷିତ ଜଙ୍ଗଲରେ କୌଣସି କାରଣରୁ ଦିନ ସମୟରେ ନିଆଁ ଲାଗି ଯାଇଥିଲା । ଅଗ୍ନିଶମ ବିଭାଗ ଦିନ ପ୍ରାୟ ୧୨ଟାରେ ଏ ସର୍ମ୍ପକରେ ଖବର ପାଇ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ପ୍ରାୟ ୧ ଘଣ୍ଟା ୩୦ ମିନିଟର କଠିନ ପରିଶ୍ରମ ପରେ ଅଗ୍ନିଶମ ଦଳ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ । ଗଛର ଡାଳ ପରସ୍ପର ମଧ୍ୟରେ ଘସି ହୋଇ ଅଗ୍ନିକାଣ୍ଡ ଘଟିଥିବା ଅଗ୍ନିଶମ ଦଳ ପ୍ରାଥମିକ ଅନୁସନ୍ଧାନରୁ ଆକଳନ କରୁଛି । ଏହି ଅଗ୍ନିକାଣ୍ଡରେ ଧନଜୀବନ ହାନୀ ଘଟି ନ ଥିବା ବେଳେ କିନ୍ତୁ ବହୁ ମୂଲ୍ୟବାନ ବୃକ୍ଷଲତା ପୋଡି ପାଉଁଶ ହୋଇଯାଇଛି । ସୂଚନାଯୋଗ୍ୟ ଯେ, ବିଗତ କିଛି ଦିନ ହେବ ସମ୍ବଲପୁର ତଥା ଆଖପାଖ ଅଞ୍ଚଳରେ ଥିବା ଜଙ୍ଗଲ ଗୁଡିକରେ ଗ୍ରୀଷ୍ମତାପ ବୃଦ୍ଧି ପାଇଥିବାରୁ ଅଗ୍ନିକାଣ୍ଡ ଘଟଣାମାନ ଘଟୁଥିବାର ପରିଲିକ୍ଷୀତ ହୋଇଛି ।

Comments are closed.