ସାକ୍ଷୀଗୋପାଳ : ପ୍ରଧାନମନ୍ତ୍ରୀ ଫସଲବୀମା କ୍ଷତିପୂରଣ ପ୍ରଦାନରେ ଅଵହେଳା ଅଭିଯୋଗ କରି ସତ୍ୟଵାଦୀ ଵ୍ଲକର ଶୁକଳ ଓ ଆଳିଶ ପଞ୍ଚାୟତର ଶତାଧିକ କୃଷକ ଆନ୍ଦୋଳନ ଡାକରା ଦେଇଛନ୍ତି। ନୂଆ ଜଗନ୍ନାଥ ସଡକ ପାର୍ଶ୍ବ ମହାଵୀର ମନ୍ଦିରରେ କୃଷକମାନେ ସୋମବାର ଦିନ ଏକ ପ୍ରତିଵାଦ ସଭାରେ ଏକାଠି ହୋଇଥିଲେ।
ସୂଚନାଯୋଗ୍ୟ, ୨୦୨୧ ମସିହା ଖରିଫ ଧାନ ଫସଲ ପାଇଁ କୃଷକମାନେ ପ୍ରଧାନମନ୍ତ୍ରୀ ଫସଲବୀମା ପ୍ରିମିୟମ ଦେଇଥିଲେ। ପ୍ରାକୃତିକ ବିତ୍ପାତରେ ସେମାନଙ୍କ ଫସଲ ନଷ୍ଟ ହୋଇଥିଲା। ସରକାରୀ କର୍ମଚାରୀ ଓ ଵୀମାକମ୍ପାନୀ ମିଳିତ ଭାବେ କ୍ରପ୍ କଟିଙ୍ଗ କରି କ୍ଷୟକ୍ଷତି ହାର ଆକଳନ କରିଥିଲେ। ଇତିମଧ୍ୟରେ ଏକ ବର୍ଷ ବିତିଯାଇଛି। ହେଲେ କ୍ଷତିପୂରଣ ମିଳୁନାହିଁ। ଏହି ସମାସ୍ୟାର ସମାଧାନ କରି ତୁରନ୍ତ କ୍ଷତିପୂରଣ ରାଶି ପ୍ରଦାନ ଦିଗରେ ପଦକ୍ଷେପ ନେବାକୁ ଜୟ ବଜରଙ୍ଗୀ କୃଷକ ସଂଗଠନ ବୀମାକମ୍ପାନୀ, ରାଜ୍ୟ ସରକାରଙ୍କ କୃଷି ଵିଭାଗ, ଆଞ୍ଚଳିକ ଅଧିକାରୀ, ପୁରୀ ଜିଲ୍ଲାପାଳ, ଏସପି ଓ ଜିଲ୍ଲା କୃଷି ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ। କିଛି ସୁଫଳ ନମିଳିବାରୁ ସେମାନେ ଅନୁଷ୍ଠିତ ପ୍ରତିଵାଦ ସଭାରେ ଆଗକୁ ଆନ୍ଦୋଳନ ଜୋରଦାର କରିଵେ ବୋଲି କଡ଼ା ଚେତାବନୀ ଦେଇଛନ୍ତି। ଉକ୍ତ ସଭାରେ ସଂଗଠନର ଆବାହକ କୁଞ୍ଜଵିହାରୀ ସାହୁ, ଶ୍ରୀଧର ବିଶ୍ଵାଳ, କାର୍ତ୍ତିକ ସ୍ଵାଇଁ ପ୍ରମୁଖ କୃଷକ ନେତା ସରପଞ୍ଚ ଲଳିତ ମୋହନ ସେନାପତି ଓ ସୁରେଷ ଚନ୍ଦ୍ର ସେଠୀ ଉଦବୋଧନ ଦେଇ ୧୦ ଦିନ ମଧ୍ୟରେ ଦାବି ପୂରଣ ନହେଲେ କ୍ଷତିଗ୍ରସ୍ତ ଚାଷୀମାନେ ରାସ୍ତାରୋକ ଆନ୍ଦୋଳନ କରିବେ ବୋଲି କହିଛନ୍ତି।
Comments are closed.