ରାଉରକେଲା: ଇଣ୍ଡିଆ ବୁ୍କ ଅଫ ରେକର୍ଡ଼ରେ ସ୍ଥାନ ପାଇଛନ୍ତି ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟର ଦ୍ୱାଦଶ ଶ୍ରେଣୀର ଛାତ୍ର ସତ୍ୟସ୍ୱରୁପ ସାହୁ। ମାର୍ସଲ ଆର୍ଟ ପ୍ରତିଯୋଗିତାରେ ଗୋଟିଏ ମିନିଟରେ ୩୧୧ କିକ୍ ମାରି ସେ ଏହି ଗୌରବ ହାସଲ କରିଛନ୍ତି। ହରିଆନାର ଫରିଦାବାଦରେ ଅଗଷ୍ଟ ୭ ତାରିଖରେ ଏହି ପ୍ରତିଯୋଗିତା ହୋଇଥିଲା। ୧୭୦୦ ପ୍ରତିଯୋଗୀଙ୍କ ମଧ୍ୟରେ ତାଙ୍କୁ ଏହି ସଫଳତା ମିଳିଥିଲା। ସେକ୍ଟର-୧୬ ଏନଏସସି ଏସଟି ସରକାରୀ ଉଚ୍ଚବିଦ୍ୟାଳୟର ଶିକ୍ଷକ ଅରୁଣ କୁମାର ସାହୁଙ୍କ ପୁତ୍ର ସତ୍ୟସ୍ୱରୁପ ବିଗତ ଦିନରେ ବହୁ ସଫଳତା ହାସଲ କରିଛନ୍ତି। ଦୀପିକା ବିଦ୍ୟାଳୟର ଅଧ୍ୟକ୍ଷ ପ୍ରବୀଣ କୁମାର ଶର୍ମାଙ୍କ ସମେତ ବିଭିନ୍ନ ଅନୁଷ୍ଠାନ ପକ୍ଷରୁ ସତ୍ୟସ୍ୱରୁପଙ୍କୁ ଏହି ସଫଳତା ପାଇଁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଇଛି। ବିଦ୍ୟାଳୟ ସହିତ ରାଉରକେଲା ସହର ପାଇଁ ସେ ଗୌରବ ଆଣିଥିବା ବେଳେ ଆଗାମୀ ଦିନରେ ଏହି ସଫଳତାକୁ ଅବ୍ୟାହତ ରଖିବେ ବୋଲି ଆଶା କରାଯାଇଛି।
Popular Categories
Previous article
Next article