ରେଙ୍ଗାଲିକ୍ୟାମ୍ପ: ଅତାବିରା ଏନଏସି ଅନ୍ତର୍ଗତ ୱାର୍ଡ ନମ୍ବର ୩ ଭାଲୁପାଲି ରାସ୍ତାରେ ଥିବା ୧୧ କେଭି ବିଦ୍ୟୁତ ଖୁଣ୍ଟ ମଧ୍ୟରୁ ୨ଟି ଖୁଣ୍ଟ ଗତ ରାତିର ବର୍ଷାରେ ଉପୁଡ଼ି ପଡ଼ିଛି। ଫଳରେ ୱାର୍ଡ ନଂ ୩ ବାସିନ୍ଦା ଏପର୍ଯ୍ୟନ୍ତ ଅନ୍ଧାର ଘେରରେ ରହିଛନ୍ତି। ତେବେ ରାତି ସମୟରେ ଏହି ଘଟଣା ଘଟିଛି, ଯଦି ଦିନ ବେଳା ହୋଇଥାନ୍ତା ତେବେ ଏକ ବିରାଟ ଅଘଟଣକୁ ଏଡ଼ାଇ ଦିଆଯାଇପାରି ନଥାନ୍ତା। କାରଣ ଏହି ଖୁଣ୍ଟ ପଡ଼ିଥିବା ବିଲରେ ଦିନରେ ଅନେକ ଶ୍ରମିକ କାମ କରୁଛନ୍ତି। କିନ୍ତୁ ଟାଟା ପାୱାରର ଏଭଳି ନିମ୍ନ ମାନର କାମ ଯୋଗୁଁ ଭବିଷ୍ୟତରେ ଆଉ କେଉଁଠି ଏହି ବିପଦ ନ ଘଟିବ ତାହା କିଏ କହିବ। ୧୧ କେଭି ବିଦ୍ୟୁତ୍ ସରବରାହ ହେଉଥିବା ବିଦ୍ୟୁତ ଖୁଣ୍ଟ ଏତେ ସହଜରେ ଉପୁଡ଼ି ପଡ଼ିବା ବଡ ଆଶ୍ଚର୍ଯ୍ୟର କଥା ନିଶ୍ଚୟ। ଗ୍ରାମବାସୀ ଏନେଇ ବିଭାଗୀୟ କର୍ତ୍ତୃପକ୍ଷଙ୍କୁ ତୁରନ୍ତ ଖବର ଦେଇଥିଲେ। ଫଳରେ ବିଦ୍ୟୁତ୍ ବିଭାଗ ଫିଡରକୁ ବନ୍ଦ କରି ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯାଇଥିଲା। ଆଜି ଏହାର ଉଦ୍ଧାର କାର୍ଯ୍ୟ ଚାଲିଛି। ତେବେ ବିଦ୍ୟୁତ୍ ବିଭାଗ ଏଥିପ୍ରତି ବିଶେଷ ଧ୍ୟାନ ଦେବା ଉଚିତ୍ ବୋଲି ସାଧାରଣରେ ଆଲୋଚନା ହେଉଛି।
Popular Categories
Previous article
Next article