ରେଙ୍ଗାଲିକ୍ୟାମ୍ପ: କରୋନକ୍ଷ କଟକଣା ଯୋଗୁଁ ଲୋକେ କାମଧନ୍ଦା ନପାଇ ବର୍ତ୍ତମାନ ଚୋରି ଡକାୟତି ଭଳି ଅମାନୁଷିକ ତଥା ଅସାମାଜିକ କାର୍ୟ୍ୟ ରେ ଲିପ୍ତ ରହୁଛନ୍ତି। ଫଳରେ ଅଞ୍ଚଳରେ ଚୋରି ଘଟଣା ବଢ଼ିଚାଲିଛି। ଏପରିକି ସ୍କୁଲ କଲେଜ୍ ଭଳି ଶିକ୍ଷା ଅନୁଷ୍ଠାନ ଗୁଡ଼ିକୁ ବି ଛାଡୁନାହାନ୍ତି ।ଯାହାର ଜ୍ୱଳନ୍ତ ଉଦାହରଣ ମିଳିଛି ଲରମ୍ଭା ମହାବିଦ୍ୟାଳୟରେ। ଏହି ମହାବିଦ୍ୟାଳୟର ଅଧ୍ୟକ୍ଷ ଡ. ପ୍ରମୋଦ କୁମାର ଭୋଇ କହିବା ଅନୁଯାୟୀ ବିଳମ୍ବିତ ରାତ୍ରୀରେ ଚୋର ମାନେ ଲେବ୍ରୋଟାରିର ଗ୍ରିଲରେ ଲାଗିଥିବା ତାଲା କାଟି ଦେଇ ଭିତରୁ ଇନଭର୍ଟର, କମ୍ପ୍ୟୁଟର ଓ ଅନ୍ୟାନ୍ୟ ସାମଗ୍ରୀ ଆଦି ଚୋରି କରି ନେଇଯାଇଛନ୍ତି। ଏ ନେଇ ଅତାବିରା ଥାନା ଅଧୀନରେ ଥିବା ଗୋଡଭଗା ଫାଣ୍ଡିରେ ଲିଖିତ ଅଭିଯୋଗ କରାଯାଇଛି। ଏହା ଉପରେ କେସ ନମ୍ୱର୍ ୧୪୬ରେ ଏକ ଚୋରି ମାମଲା ରୁଜୁ କରି ଫାଣ୍ଡି ଅଧିକାରୀ ବାଲୁଙ୍କେଶ୍ୱର ନାଏକ ସଦଳବଳେ ଘଟଣା ସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଥିଲେ। ଲ୍ୟାବରେଟୋରିରେ ଥିବା ସିସି ଫୁଟେଜ ଅନୁସନ୍ଧାନରୁ ଜଣାପଡିଛି ଯେ ତିନି ଜଣ ଦୁର୍ବୃତ୍ତ ମୁଖା ପିନ୍ଧି ଚୋରି କରିଛନ୍ତି। ତେବେ ଅଧିକରୁ ଅଧିକ ତଦନ୍ତ କରି ସଂପୃକ୍ତ ଚୋର ମାନଙ୍କୁ ଧରିବା ପାଇଁ ପୁଲିସ ପକ୍ଷରୁ ପ୍ରୟାସ ଜାରି ରହିଛି।
Popular Categories
Previous article
Next article