ରେଙ୍ଗାଲି: ରେଙ୍ଗାଲିଠାରେ ଥିବା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନିଉ)ରେ ଗତ ଦୁଇ ସପ୍ତାହ ହେଲା ଡାକ୍ତର ନାହାନ୍ତି। ଫଳରେ ଅଞ୍ଚଳର ସ୍ୱାସ୍ଥ୍ୟ ସେବା ପ୍ରଭାବିତ ହେଉଛି। ଜନସାଧାରଣଙ୍କ ବୃହତ୍ତର ସ୍ୱାର୍ଥ ଦୃଷ୍ଟିରୁ ଏଠାରେ ଶୀଘ୍ର ଡାକ୍ତର ନିଯୁକ୍ତି ଦେବାକୁ ରେଙ୍ଗାଲି ବରିଷ୍ଠ ନାଗରିକ ପରିଷଦ ପକ୍ଷରୁ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କଠାରେ ଦାବୀ କରାଯାଇଛି। ରେଙ୍ଗାଲି ଡାକ୍ତରଖାନା ଅଞ୍ଚଳର ଏକମାତ୍ର ମୁଖ୍ୟ ସ୍ୱାସ୍ଥ୍ୟସେବା କେନ୍ଦ୍ର ହୋଇଥିବା ବେଳେ ଏଠାରେ ଡାକ୍ତର ନଥିବାରୁ ଅଞ୍ଚଳର ଜନସାଧାରଣ ବିଶେଷତଃ ଗରିବ ଲୋକେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। ଫଳରେ ଜନସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଉଛି ବୋଲି ପରିଷଦ ପକ୍ଷରୁ ଏନେଇ ଉଦ୍ବେଗ ପ୍ରକାଶ କରାଯାଇଛି। ପରିଷଦର ସଭାପତି ପୂର୍ବତନ ବିଧାୟକ ଦୁର୍ଯୋଧନ ଗର୍ଡ଼ିଆ, ସମ୍ପାଦକ ଅନ୍ତର୍ଯାମୀ ପାଣି, ସହ-ସମ୍ପାଦକ ସୁବନଚାନ୍ଦ ସାହୁ, ହଜାରି ତନ୍ତକାର ପ୍ରମୁଖଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଫର୍ମାସିଷ୍ଟ ସୁରେନ୍ଦ୍ର ମୋହନ ବେହେରାଙ୍କ ଜରିଆରେ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି।
Popular Categories
Previous article
Next article