ରେଙ୍ଗାଲି: ମାଆ ଉଲ୍ଲାସ ଓରାମ ଗତ ୪ ବର୍ଷ ହେଲା ଇହଧାମ ଛାଡି ଆରପାରିକୁ ଚାଲିଗଲେ। ବାପା ସଞ୍ଜୀବ ଓରାମ ଗତ ୧୧ ତାରିଖରେ ୩ ଶିଶୁ ସନ୍ତାନଙ୍କୁ ଛାଡି ଆରପାରିକୁ ଚାଲିଗଲେ। ପ୍ରଥମେ ମାଆଙ୍କ ପରଲୋକ ହେବାପରେ ୩ ମାଆ ଛେଉଣ୍ଡ ଶିଶୁସନ୍ତାନଙ୍କୁ ବାପା ସଞ୍ଜୀବ ଲାଲନ ପାଳନ ଏବଂ ପ୍ରତିପୋଷଣ କରୁଥିଲେ। ତେବେ ନିୟତିର କ୍ରୁର ପରିହାସ ୩ ଶିଶୁ ସନ୍ତାନଙ୍କ ଠାରୁ ଛଡାଇନେଲା ସେମାନଙ୍କ ଏକାମାତ୍ର ସାହାଭରସା ଥିବା ବାପା ସଞ୍ଜିବ ଓରାମଙ୍କୁ। ଏଭଳି ଏକ ଦୁଃଖଦ ତଥା ଅଭାବନୀୟ ଘଟଣା ଘଟିଛି ସମ୍ବଲପୁର ଜିଲ୍ଲା ରେଙ୍ଗାଲି ବ୍ଳକ୍ ଟାମ୍ପରକେଲା ଗ୍ରାମ ପଞ୍ଚାୟତର ଚୁଟିଆପଡା ଗ୍ରାମରେ। ମାଆ ଏବଂ ବାପାଙ୍କୁ ହରାଇ ସମ୍ପୂର୍ଣ ନିଃସହାୟ ଓ ଉପାୟ ଶୂନ୍ୟ ହୋଇ ଭଗବାନ ଭରସାରେ ସହାୟତାକୁ ଚାତକ ଭଲି ଅନେଇ ବସିଛନ୍ତି ବାପା ମାଆଙ୍କୁ ହରାଇ ଅନାଥ ହୋଇ ଯାଇଥିବା ୨ଜଣ ନାବାଳିକା ଏବଂ ଜଣେ ନାବାଳକ।
ରାଜ୍ୟ ସରକାର ତଥା ଜିଲା ପ୍ରଶାସନ ବାପା ମାଆଙ୍କୁ ହରାଇ ନିଃସହାୟ ତଥା ଅନାଥ ହୋଇଯାଇଥିବା ଏହି ଶିଶୁସନ୍ତାନମାନଙ୍କୁ ଉପଯୁକ୍ତ ସହାୟତାର ବ୍ୟବସ୍ଥା କରିବା ସହିତ ଏମାନଙ୍କୁ ଆଶୀର୍ବାଦ ଯୋଜନାରେ ସାମିଲ କରିବାକୁ ଟାମ୍ପରକେଲଉା ସରପଞ୍ଚ ସନାତନ ସାହୁ ଦାବି କରିଛନ୍ତି।
ମାଆ ନାହିଁ କି ବାପା ନା; ଭଗବାନ ଭରସାରେ ୩ ନିଃସହାୟ ଅନାଥ ଶିଶୁ ସନ୍ତାନ
Popular Categories
Previous article
Next article