ନୂଆଦିଲ୍ଲୀ : ଗୋଟିଏ ରିଚାର୍ଜରେ ଘରର ସମସ୍ତ ସଦସ୍ୟ ସେହି ପ୍ଲାନ୍କୁ ବ୍ୟବହାର କରିପାରିବା ଭଳି ପ୍ଲାନ୍କୁ ଆପଣଙ୍କ ମଧ୍ୟ ବ୍ୟବହାର କରିବାକୁ ଚାହୁଁଛନ୍ତି କି? ତେବେ ଟେଲିକମ୍ କମ୍ପାନୀ ଆଣିଛି ଏକ ଖାସ୍ ଓ ଆକର୍ଷଣୀଣ ଅଫର୍ । ଗୋଟିଏ ରିଚାର୍ଜରେ ୪ ଉପଭୋକ୍ତାଙ୍କ ପାଇଁ ସୁବିଧା ସାମିଲ ରହିଛି । ଦେଶର ପ୍ରମୁଖ ଘରୋଇ ଟେଲିକମ୍ କମ୍ପାନୀ ରିଲାଏନ୍ସ ଜିଓ ଓ ସରକାରୀ ଟେଲିକମ୍ କମ୍ପାନୀ ବିଏସଏନଏଲରର ଏହି ରିଚାର୍ଜ ପ୍ଲାନ୍ ରହିଛି ।
ବିଏସଏନଏଲର ଗୋଟିଏ ରିଚାର୍ଜରୁ ୪ ଜଣଙ୍କ ପାଇଁ ନୂଆ ପୋଷ୍ଟପେଡ୍ ପ୍ଲାନ୍ ଲଞ୍ଚ କରିଛି । ଜିଓ ମଧ୍ୟ ନିଜ ଗ୍ରାହକଙ୍କ ପାଇଁ ଫ୍ୟାମିଲି ପ୍ଲାନ୍ ଆଣିଛି । ଜାଣନ୍ତୁ କେଉଁ ପ୍ଲାନ୍ଟି ଶସ୍ତା ପ୍ଲାନ୍..
ବିଏସଏନଏଲ ଏକ ନୂଆ ରିଚାର୍ଜ ଦ୍ୱାରା ୪ ଜଣଙ୍କ ପାଇଁ ନୂଆ ପୋଷ୍ଟପେଡ୍ ପ୍ଲାନ୍ ଲଞ୍ଚ କରିଛି । ବିଏସଏନଏଲ ନିଜ ଅଫିସିଆଲ୍ ଏକ୍ସ ଆକାଉଣ୍ଟରେ ପ୍ଲାନ୍ ବିଷୟରେ ସୂଚନା ଦେଇଛି । କେବଳ ୯୯୯ ଟଙ୍କାର ଫ୍ୟାମିଲି ପୋଷ୍ଟପେଡ୍ ପ୍ଲାନ୍ ଲଞ୍ଚ କରିଛି । ଏହି ପ୍ଲାନ୍ର ବିଶେଷତ୍ୱ ହେଉଛି, ଗୋଟିଏ ମୁଖ୍ୟ ଓ ୩ଟି ଅନ୍ୟ କନେକ୍ସନ୍ ସହ ପ୍ଲାନ୍ର ସୁବିଧା ମିଳିବ । ଏଥିରେ ୪ ଜଣଙ୍କୁ ଅସୀମିତ କଲିଙ୍ଗ୍, ପ୍ରତ୍ୟେକ ଦିନ ୧୦୦ ଏସଏମଏସ ଓ ପ୍ରତ୍ୟେକ ଉପଭୋକ୍ତାଙ୍କୁ ୭୫ ଜିବି ଡାଟା ମିଳିବ । ମୋଟ୍ ୩୦୦ ଜିବି ପର୍ଯ୍ୟନ୍ତ ଡାଟା ସୁବିଧା ମିଳିବ । ଏହି ପ୍ଲାନ୍ରେ କେବଳ ଥରେ ରିଚାର୍ଜରେ ଘରର ୪ ସଦସ୍ୟ ପ୍ଲାନ୍ର ସୁବିଧା ପାଇପାରିବେ ।
ରିଲାଏନ୍ସ ଜିଓ ଦ୍ୱାରା ଫ୍ୟାମିଲି ପୋଷ୍ଟପେଡ୍ ପ୍ଲାନ୍ ଅଫର କରାଯାଉଥିବା ସହ ଏଥିରେ ବିଭିନ୍ନ ସୁବିଧା ଓ ଦାମ୍ ସହ ଆସୁଛି । କଲିଙ୍ଗ୍, ଏସଏମଏସ ଓ ଡାଟା ସୁବିଧା ବ୍ୟତୀତ ଆମାଜନ୍ ପ୍ରାଇମ୍ ଲାଇଟ୍ ଓ ନେଟ୍ଫ୍ଲିକ୍ସର ମାଗଣା ସବସ୍କ୍ରିପସନ୍ ପାଇଁ ଜିଓର ୭୪୯ ଟଙ୍କାର ଫ୍ୟାମିଲି ପୋଷ୍ଟପେଡ୍ ପ୍ଲାନ୍ ରହିଛି । ଯାହା ଗୋଟିଏ ମୁଖ୍ୟ ଓ ଅନ୍ୟ ୩ ଉପଭୋକ୍ତାଙ୍କୁ କନେକ୍ସନ୍ ମିଳି ପାରିବ । ୪ ଉପଭୋକ୍ତାଙ୍କ ପାଇଁ ଫ୍ୟାମିଲି ପ୍ଲାନ୍ରେ ପ୍ରାୟ ୧୦୦ ଜିବି ଡାଟା ସୁବିଧା ମିଳିବ । ଏଥିରେ ଅତିରିକ୍ତ ୫ଜିବି ଡାଟା ମଧ୍ୟ ମିଳିବ । ଅସୀମିତ କଲିଙ୍ଗ୍, ଦୈନିକ ୧୦୦ ଏସଏମଏସ ବ୍ୟତୀତ ଉପଭୋକ୍ତାଙ୍କୁ ଜିଓ ସିନେମା, ଜିଓ କ୍ଲାଉଡ୍ ଓ ଜିଓ ଟିଭିର ସୁବିଧା ମଧ୍ୟ ମିଳିବ ।
ଜିଓର ଆଉ ଏକ ପ୍ଲାନ୍ ପ୍ରାୟ ୪୪୯ ଟଙ୍କାର । ଏହି ଫ୍ୟାମିଲି ପ୍ଲାନ୍ ସହ ପରିବାରର ୩ ସଦସ୍ୟ ଲାଭ ପାଇ ପାରିବେ । ପ୍ରାୟ ୭୫ ଜିବି ଡାଟା ସହ ଅସୀମିତ କଲିଙ୍ଗ୍, ଦୈନିକ ୧୦୦ ଏସଏମଏସ ଓ ଜିଓ ସିନେମା, ଜିଓ କ୍ଲାଉଡ୍ ଓ ଜିଓ ଟିଭିର ମାଗଣା ଏକ୍ସେସ୍ ମିଳିବ ।
ଭିଡିଓ ଦେଖିଲେ ଭୟ ଲାଗିବ; ଜନବସତିରେ ପଶି କୁକୁରକୁ ଟାଣି ନେଲା ବାଘ, ବଞ୍ଚିଗଲେ ସିକ୍ୟୁରିଟି ଗାର୍ଡ
