ପଦ୍ମପୁର – ରାୟଗଡା ଜିଲ୍ଲା ପଦ୍ମପୁର ବ୍ଲକରେ ଚଳିତ ବର୍ଷ ବର୍ଷା ଅଭାବ ଯୋଗୁଁ ହେକ୍ଟର ହେକ୍ଟର ଚାଷ ଜମି ପଡିଆ ପଡିଛି । ମୌସୁମୀ ବର୍ଷା ଆରମ୍ଭ ହେବା ପରେ ଚାଷୀ ଧାନ ତଳି ପାଇଁ ବିହନ ବୁଣିଥିଲା । ଗତ ଜୁଲାଇ ମାସରେ ପଦ୍ମପୁର ଅଞ୍ଚଳରେ କମ ବର୍ଷା ହୋଇଥିଲା। ଆକାଶ ଅନ୍ଧକାର ରହୁଥିଲେ ବି ବର୍ଷା ଲୁଚକାଳି ଖେଳୁଥିଲା।
ଜୁଲାଇରେ ପ୍ରଥମ ଦୁଇ ସପ୍ତାହ ଭଲ ବର୍ଷା ହୋଇଥିବା ବେଳେ ଶେଷ ଦୁଇ ସପ୍ତାହ ରେ ଭଲ ବର୍ଷା ହୋଇ ନଥିଲା । ଖରା ଓ ଗୁଳିଗୁଳିରେ ଜନଜୀବନ ଅସ୍ତବ୍ୟସ୍ତ ହୋଇପଡୁଥିଲା । ଲଘୁଚାପ ଜନିତ ବର୍ଷା ପଦ୍ମପୁର ଅଞ୍ଚଳରେ ସେତେଟା ପ୍ରଭାବ ପଡି ନଥିଲା। ବର୍ତ୍ତମାନ ଆଠ ଦଶ ଦିନ ହେବ ସେମିତି ବର୍ଷା ହେଉନାହିଁ । ଅନ୍ୟ ପକ୍ଷରେ ବର୍ଷା ଅଭାବକୁ ଆଖିରେ ରଖି କେନ୍ଦୁଗୁଡ଼ା ମଧ୍ୟମ ଜଳସେଚନ ପ୍ରକଳ୍ପ ର କତ୍ତୃପକ୍ଷ ଖରିଫ ଚାଷ ଲାଗି କେନାଲରେ ପାଣି ଛାଡିଥିଲେ କିନ୍ତୁ ସମସ୍ତ ଜମିକୁ ସଠିକ୍ ପରିମାଣରେ ପାଣି ଯାଇ ପାରୁ ନଥିବା ଚାଷୀମାନେ ଅଭିଯୋଗ କରିଛନ୍ତି । ଉଭୟ ଲଘୁଚାପ ଜନିତ ବର୍ଷା ଓ ଜଳସେଚନ ପ୍ରକଳ୍ପ ରୁ ପାଣି ଛାଡିବାରୁ ସେହି ପାଣିରେ ଚାଷୀ ଚାଷ କାମ ଆରମ୍ଭ କରିଥିଲେ ଓ କିଛି ଚାଷୀ ବୁଣାରୁଆ ସକାଶେ ଜମିରେ ଧାନ ମଧ୍ୟ ବୁଣିଦେଇଥିଲେ କିନ୍ତୁ ବର୍ତ୍ତମାନ ପଦ୍ମପୁର ଅଞ୍ଚଳରେ ବର୍ଷା ର ଦେଖାନାହିଁ । ବର୍ଷା ନହେବା ଫଳରେ ଅଞ୍ଚଳର ଚାଷୀ ଚିନ୍ତାରେ ପଡିଛନ୍ତି।
ଅନ୍ୟ ପଟେ ବର୍ଷା ଅଭାବରୁ ଡ୍ୟାମ ରେ ମଧ୍ୟ ଆବଶ୍ୟକ ପାଣି ନାହିଁ ଶୁଖିଲା ପଡିଛି। ଚାଷ କାର୍ଯ୍ୟ ଆରମ୍ଭ ରୁ ହିଁ ଚାଷୀଙ୍କ ମନରେ ଜଳସେଚନ ପ୍ରକଳ୍ପ ରେ ଆବଶ୍ୟକ ପାଣି ନ ଥିବାରୁ ପାଣିର ଅଭାଵ ଭୟ ରହିଛି । ବର୍ଷା ଅଭାଵରୁ ଚାଷ କାମ ଆଗେଇ ପାରି ନଥିବାରୁ ଚାଷୀ ଚିନ୍ତାରେ ପଡିଛନ୍ତି । ଯଦି ଆସନ୍ତା ପାଞ୍ଚ ଦିନ ମଧ୍ୟରେ ଲଗାଣ ବର୍ଷା ନହୁଏ ତେବେ ନିଶ୍ଚିୟ ଗଜାମରୁଡ଼ି ସହ ତଳି ଘରା ମଧ୍ୟ ନଷ୍ଟ ହେବାର ସମ୍ଭାବନା ରହିଥିବା ଚାଷୀମାନେ କହିଛନ୍ତି।
Comments are closed.