ନୂଆଦିଲ୍ଲୀ : ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଦେଶର ସର୍ବୋଚ୍ଚ ବରଫାବୃତ୍ତ ଅଞ୍ଚଳ ସିଆଚେନ୍ ଯାଇ ନିରାପତ୍ତା ପରିସ୍ଥିତି ସମୀକ୍ଷା କରିଛନ୍ତି । ତାଙ୍କ ସହ ପଦାତିକ ବାହିନୀ ମୁଖ୍ୟ ବିପିନ ରାୱତ ମଧ୍ୟ ଯାଇଥିଲେ। ସୈନ୍ୟ ଓ ଅଧିକାରୀମାନେ ସେଠାରେ ସମ୍ମୁଖୀନ ହେଉଥିବା ସମସ୍ୟାଗୁଡ଼ିକ ସଂକ୍ରାନ୍ତରେ ମଧ୍ୟ ସେ ଆଲୋଚନା କରିଛନ୍ତି । ପଦାତିକ ବାହିନୀର ପ୍ରସ୍ତୁତି ସମେତ ଚତୁର୍ଦ୍ଦଶ ଓ ପଞ୍ଚଦଶ କର୍ପସ୍ କାର୍ଯ୍ୟଧାରା ସଂକ୍ରାନ୍ତରେ ଶ୍ରୀ ସିଂହଙ୍କୁ ଉପସ୍ଥାପନା ଦିଆଯାଇଛି। ପଦାତିକ ବାହିନୀର ଚତୁର୍ଦ୍ଦଶ କର୍ପସ୍ ଚୀନ୍ ସହ ପ୍ରକୃତ ନିୟନ୍ତ୍ରଣ ରେଖା ଓ ପାକିସ୍ତାନ ସହ ନିୟନ୍ତ୍ରଣ ରେଖାରେ ପହରା ଦେଉଛି।
ଶ୍ରୀନଗର ଭିତ୍ତିକ ପଞ୍ଚଦଶ କର୍ପସ୍କୁ କାଶ୍ମୀର ଉପତ୍ୟକାରେ ସନ୍ତ୍ରାସବାଦୀ ଦମନ କାର୍ଯ୍ୟ ପାଇଁ ମୁତୟନ କରାଯାଇଛି। ସିଆଚେନ୍ ଗ୍ଲେସିୟର୍ ହେଉଛି
କାରାକୋରମ୍ ପାର୍ବତ୍ୟାଞ୍ଚଳର ବିଶ୍ୱର ସର୍ବୋଚ୍ଚ ସାମରିକ ଜୋନ୍ ଯେଉଁଠି ଯବାନମାନେ ହିମପାତ ଓ ପ୍ରବଳ ପବନ ମଧ୍ୟରେ ଯୁଦ୍ଧ କରିଥାନ୍ତି। ଟ୍ୱିଟ୍ କରି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି, ପ୍ରତିକୂଳ ପାଗ ସତ୍ତ୍ବେ ଦେଶର ଯବାନମାନେ ସିଆଚେନ୍ରେ ଅତ୍ୟନ୍ତ ସାହସ ଓ ଶକ୍ତିର ସହ ନିଜର କର୍ତ୍ତବ୍ୟ ସମ୍ପାଦନ କରୁଛନ୍ତି। ସେମାନଙ୍କ ସାହସ ଓ ଶକ୍ତିକୁ ପ୍ରତିରକ୍ଷା ମନ୍ତ୍ରୀ ଶ୍ୟାଲୁଟ୍ କରିଛନ୍ତି। ସିଆଚୀନ୍ ଯୁଦ୍ଧସ୍ମାରକୀଠାରେ ସେ ପୁଷ୍ପମାଲ୍ୟ ଅର୍ପଣ କରି ସହୀଦମାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ସିଆଚୀନ୍ ଗ୍ଲେସିୟର୍ ଗସ୍ତରେ ପ୍ରତିରକ୍ଷା ମନ୍ତ୍ରୀ,ସୁରକ୍ଷା ପରିସ୍ଥିତିର ସମୀକ୍ଷା କଲେ
Popular Categories
Previous article
Next article