ନୂଆଦିଲ୍ଲୀ : ଗ୍ରୀନଲାଣ୍ଡରେ ପ୍ରଥମ ଥର ପାଇଁ ହୋଇଛି ବର୍ଷା । ବରଫାବୃତ ଗ୍ରୀନଲାଣ୍ଡରେ ବର୍ଷା ଯାହା ଇତିହାସ ସୃଷ୍ଟି କରି ସଭିଁଙ୍କୁ ଆଶ୍ଚର୍ଯ୍ୟ କରିଛି । ଏହାକୁ ନେଇ ପରିବେଶବିତ ମାନେ ଚିନ୍ତିତ ହୋଇଛନ୍ତି । ସେମାନଙ୍କ ମତରେ ଗ୍ରୀନଲାଣ୍ଡରେ ବର୍ଷା ଜଳବାୟୁ ପରିବର୍ତ୍ତନର ବଡ ପ୍ରଭାବ । ଜଳବାୟୁ ପରିବର୍ତ୍ତନ ଓ ଗ୍ଲୋବାଲ ୱାର୍ମିଂ ଏହାର କାରଣ । ଏହା ସାରା ବିଶ୍ୱ ପାଇଁ ବିପଦ ସୃଷ୍ଟି କରିପାରେ ବୋଲି ଆଶଙ୍କା ପ୍ରକାଶ କରିଛନ୍ତି । ଗତ ୧୪ ତାରିଖରେ ସମୁଦ୍ର ପତ୍ତନଠାରୁ ୩ ହଜାର ମିଟର ଉପରେ ଥିବା ବରଫ ଦେଶରେ ଘଣ୍ଟା ଘଣ୍ଟା ଧରି ବର୍ଷା ହୋଇଥିଲା । ଆମେରିକାର ସ୍ନୋ ଆଣ୍ଡ ଆଇସ ଡାଟା ସେଣ୍ଟର ଏନେଇ ସୂଚନା ଦେଇଛନ୍ତି ।
ସୂଚନା ଅନୁଯାୟୀ, କୌଣସି ସ୍ଥାନରେ ବର୍ଷା ହେବା ପାଇଁ ତାପମାତ୍ରା ଶୂନ ଡିଗ୍ରୀ ସେଲସିୟସରୁ ସାମାନ୍ୟ ଉପରେ ରହିବା ଦରକାର । ଜାତୀୟ ସ୍ନୋ ଆଣ୍ଡ ଆଇସ ଡାଟା ସେଣ୍ଟର ଅନୁଯାୟୀ, ଅଗଷ୍ଟ ୧୪ରୁ ୧୬ ପର୍ଯ୍ୟନ୍ତ ତିନି ଦିନ ମଧ୍ୟରେ ଗ୍ରୀନଲାଣ୍ଡରେ ୭ ଟନ ବର୍ଷା ହୋଇଥିଲା । ଗ୍ରୀନଲାଣ୍ଡରେ ବର୍ଷା ହେବାର କାରଣ ତାପମାତ୍ରା ବୃଦ୍ଧି ପାଉଛି । ଏପରି କେବେ ହୋଇନଥିଲା ବୋଲି ପରିବେଶବିଜ୍ଞାନୀ ମାନେ ମତ ପ୍ରକାଶ କରିଛନ୍ତି । ବର୍ଷା ଏବଂ ଉଚ୍ଚ ତାପମାତ୍ରା ଯୋଗୁଁ ଦ୍ୱୀପପୁଞ୍ଜରେ ପ୍ରବଳ ବରଫ ତରଳିଛି ।
ପ୍ରଥମ ଥର ପାଇଁ ଗ୍ରୀନଲାଣ୍ଡରେ ବର୍ଷା ; ଚିନ୍ତାରେ ପରିବେଶବିତ୍
Popular Categories
Previous article
Next article