ସମ୍ବଲପୁର : ପୂର୍ବତଟ ରେଳବାଇ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳର ଅଞ୍ଚଳ ଗୁଡିକରେ ରେଳ ଆଧୁନିକୀକରଣ ଓ ତୃତୀୟ ରେଳ ଧାରଣା କାର୍ଯ୍ୟ କରାଯାଉଛି। ଏହି କ୍ରମରେ ଗୁରୁବାର ମଣ୍ଡଳ ଅଧିନସ୍ଥ ଟିଟିଲାଗଡ-ବିଜୟନଗରମ୍ ତୃତୀୟ ରେଳ ଧାରଣା ଓ ବିଦ୍ୟୁତିକରଣ ପ୍ରକଳ୍ପର ରୁପ୍ରାରୋଡ-ନର୍ଲା ରୋଡ-ଲାଞ୍ଜିଗଡ ରୋଡ ସେକ୍ସନର କାର୍ଯ୍ୟ ନିରୀକ୍ଷଣ କରାଯାଇଛି । ଏଣୁ ଦକ୍ଷିଣ ପୂର୍ବ ମଣ୍ଡଳର ରେଳବାଇ ନିରାପତ୍ତା ଆୟୁକ୍ତ ଏ.ଏମ. ଚୌଧୁରୀ ଆଜି ଉକ୍ତ ସେକ୍ସନର କାର୍ଯ୍ୟ ନିରୀକ୍ଷଣ ସମୟରେ ଓଭରହେଡ ଉପକରଣ, ରେଳଧାରଣା, ପୋଲ, ମାନବଯୁକ୍ତ ରେଳବାଇ ଫାଟକ, ସଙ୍କେତ ଓ ଦୂର ସଞ୍ଚାର ଉପକରଣ ଆଦି ନିରୀକ୍ଷଣ କରିଛନ୍ତି । ଏଥି ସହ ନିରୀକ୍ଷଣ ସମୟରେ ସ୍ପିଡ ଟ୍ରାଏଲ ଲାଞ୍ଜିଗଡ ରୋଡ-ରୁପ୍ରାରୋଡ ଷ୍ଟେସନ ମଧ୍ୟରେ ସକାଳ ୮ଟାରୁ ୬ ଘଣ୍ଟା ପର୍ଯ୍ୟନ୍ତ କରାଯାଇଛି । ଏହି କାର୍ଯ୍ୟ ହେବା ଦ୍ୱାରା ମଣ୍ଡଳର ରୁପ୍ରାରୋଡ-ନର୍ଲା ରୋଡ-ଲାଞ୍ଜିଗଡ ରୋଡ ମଧ୍ୟରେ ରେଳ ପରିଚାଳନା ସୁଗମ ହୋଇ ପାରିବ । ଏହି ଅବସରରେ ମଣ୍ଡଳ ପ୍ରବନ୍ଧକ ସମ୍ବଲପୁର ବିନୀତ ସିଂହ, ପୂର୍ବତଟ ରେଳପଥର ମୁଖ୍ୟ ପ୍ରଶାସନିକ ଅଧିକାରୀ (ନିର୍ମାଣ) ଅମର ପ୍ରକାଶ ଦ୍ୱିବେଦୀ, ପୂର୍ବତଟ ରେଳବାଇ ମୁଖ୍ୟାଳୟ ଓ ସମ୍ବଲପୁର ରେଳ ମଣ୍ଡଳର ବରିଷ୍ଠ ଅଧିକାରୀ ମାନେ ଉପସ୍ଥିତ ରହିଥିଲେ।
Comments are closed.