ପୁରୀ: ଗଞ୍ଜେଇ ମାଫିଆ ବାପପୁଅଙ୍କ ୩କୋଟି ଟଙ୍କାର ସମ୍ପତ୍ତି ବାଜ୍ୟାପ୍ତ କରାଯାଇଛି। ବ୍ରହ୍ମଗିରି ଅଞ୍ଚଳର ବିଜୟ ପାଣି ଓ ପୁଅ ସୁଜିତଙ୍କ ସମ୍ପତ୍ତି ବାଜ୍ୟାପ୍ତ ହୋଇଛି। ପୁରୀ ପୁଲିସ ପକ୍ଷରୁ ଗଞ୍ଜେଇ ମାଫିଆ ବାପପୁଅଙ୍କ ୩ କୋଟିର ସ୍ଥାବର ଓ ଅସ୍ଥାବର ସମ୍ପତ୍ତି ବାଜ୍ୟାପ୍ତ କରାଯାଇଛି। ବାଜ୍ୟାପ୍ତ ସମ୍ପତ୍ତି ସହ ୯ଟି ଘର ଓ ପ୍ଲଟ ଆଟାଚ କରାଯାଇଛି ବୋଲି ପୁରୀ ଏସପି ସୂଚନା ଦେଇଛନ୍ତି। ମେ’ ୩ ତାରିଖରେ ବାପପୁଅଙ୍କୁ ପୁରୀ ପୁଲି ଗିରଫ କରିଥିଲା। ଗିରଫବେଳେ ସେମାନଙ୍କ ନିକଟରୁ ୬୨୪ କେଜିରୁ ଅଧିକ ଗଞ୍ଜେଇ ଜବତ ହୋଇଥିଲା ବୋଲି ପୁରୀ ଏସପି ସୂଚନା ଦେଇଛନ୍ତି।
କୁଖ୍ୟାତ ଗଞ୍ଜେଇ ମାଫିଆ ବାପ, ପୁଅ ହେଉଛନ୍ତି ବ୍ରହ୍ମଗିରିର ବିଜୟ ପାଣି(୫୦) ଓ ତାଙ୍କ ପୁଅ ସତ୍ରୁଜିତ୍ ପାଣି ଓରଫ ପିଣ୍ଟୁ(୨୩)। ଚଳିତମାସ ୩ ତାରିଖରେ ସେମାନେ ଗିରଫ ହୋଇଥିଲେ। ସେମାନଙ୍କ ଘରୁ ୬୨୪ କେଜିରୁ ଅଧିକ(ଆନୁମାନିକ ମୂଲ୍ୟ ୬୦ ଲକ୍ଷ ଟଙ୍କା) ଗଞ୍ଜେଇ ଜବତ କରିଥିଲା ବ୍ରହ୍ମଗିରି ଥାନା ପୁଲିସ ଓ ଏସ୍ଟିଏଫ୍। ଏଥିସହ ତାଙ୍କ ଘରୁ ୪ ହାତ ତିଆରି ବୋମା ଜବତ କରାଯାଇଥିଲ।
