କଣ୍ଟାବାଞ୍ଜି : କଣ୍ଟାବାଞ୍ଜି ସହରରେ ପୌରାଞ୍ଚଳ ତରଫରୁ ରୋଡ଼ ନଂ ୪ ସ୍ଥିତ ସରକାରୀ ଖୁଚୁରା ସୁଲଭ ମୂଲ୍ୟ ବିକ୍ରୟ କେନ୍ଦ୍ରରେ ଯୋଗାଣ ବିଭାଗ ତରଫରୁ ଆଜିଠାରୁ ଆଳୁ କେଜି ପ୍ରତି ୩୫ ଟଙ୍କା ଓ ୩ କେଜି ଆଳୁ ୧୦୦ ଟଙ୍କା ଦରରେ ଖାଉଟି ମାନଙ୍କୁ ବିକ୍ରି ଆରମ୍ଭ ହୋଇଯାଇଛି । ଗତ କିଛି ଦିନ ହେବ ପଶ୍ଚିମ ବଙ୍ଗ ରୁ ପର୍ଯ୍ୟାପ୍ତ ପରିମାଣରେ ଆଳୁ ଯୋଗାଣ ହୋଇ ନପାରିବାରୁ ଖୋଲା ବଜାରରେ ଚଢା ଦରରେ କେଜି ପ୍ରତି ୪୫ ରୁ ୫୦ଟଙ୍କାରେ ଆଳୁ ବିକ୍ରି ହେଉଥିଲା । ବର୍ତ୍ତମାନ ଖୋଲା ବଜାରରେ ଗୋଲ ଆଳୁ ୪୦ ଟଙ୍କା ଏବଂ ପାହାଡି ଆଳୁ ୪୫ ଟଙ୍କା ଦରରେ ବିକ୍ରି ହେଉଛି ।
ଦୈନିକ ପଶ୍ଚିମ ବଙ୍ଗରୁ କଣ୍ଟାବାଞ୍ଜି ହୋଲସେଲର ଆଳୁ ବେପାରୀଙ୍କ ପାଖକୁ ଟ୍ରକ ଯୋଗେ ଟ୍ରିପ ଟ୍ରିପ ଆଳୁ ଆସୁଛି । ଏଣେ ରାଜ୍ୟ ସରକାରଙ୍କ ଖାଉଟି କଲ୍ୟାଣ ଓ ଯୋଗାଣ ମନ୍ତ୍ରୀ ଉତ୍ତରପ୍ରଦେଶ, ପଞ୍ଜାବ ରାଜ୍ୟରୁ ଆଳୁ ଆଣି କଣ୍ଟ୍ରୋଲ ଦୋକାନରେ ସୁଲଭ ମୂଲ୍ୟରେ ଆଳୁ ବିକ୍ରି କରିବେ ବୋଲି ଘୋଷଣା କରିଛନ୍ତି । ଆଜି ଆଳୁ ବିକ୍ରି ସମୟରେ ରିଟେଲର ଜ୍ୟୋତି ମହିଳା ସ୍ୱୟଂସହାୟକ ଗୋଷ୍ଠୀ ତରଫରୁ ସଭାପତି ବାସନ୍ତୀ ପୁଞ୍ଜି, ସମ୍ପାଦକ ଦୀପାଞ୍ଜଳି ଜୁଏଡ଼, ସଭ୍ୟ ବିନୋଦିନୀ ବାରିକ, ଏମ ସରୋଜିନୀ, ଜୀ ରୋହିଣୀ, ବାବୁଲି ମହାନ୍ତି, ୟୁନୁଷ ଦାଉଦ, ଅର୍ଜୁନ ବେହେରା ପ୍ରମୁଖ ଉପସ୍ଥିତ ଥିଲେ ।
Comments are closed.