ଝାରସୁଗୁଡ଼ା, ପ୍ରଧାନମନ୍ତ୍ରୀଙ୍କ ଝାରସୁଗୁଡ଼ାରେ ଅବତରଣ କରି ଛତିଶଗଡ଼ର ରାୟଗଡ଼ ଓ ପଶ୍ଚିମବଙ୍ଗ ଯିବାର ସମସ୍ତ କାର୍ୟ୍ୟକ୍ରମ ଚୂଡ଼ାନ୍ତ ହୋଇ ସାରିଥିଲା । ଏ ନେଇ ଗୁରୁବାର ବାୟୁସେନାର ରାଜହଂସ ବିମାନ ( ବୋଇଙ୍ଗ ୭୩୭ ) ଯେଉଁଥିରେ ପ୍ରଧାନମନ୍ତ୍ରୀ ଆସିବେ ସେହି ବିମାନ ଗୁରୁବାର ଦିଲ୍ଲୀରୁ ପରୀକ୍ଷାମୂଳକ ଉଡାଣ କରାଯାଇଥିଲା। ଝାରସୁଗୁଡ଼ା ବିମାନ ବନ୍ଦରକୁ ଏସପିଜିର ଜୱାନମାନେ ସୁରକ୍ଷା ବଳୟକୁ ନେଇ ଯାଇସାରିଥିଲେ । ସମସ୍ତ ପ୍ରସ୍ତୁତି ଶେଷ ହୋଇସାରିଥିଲା । ସୁରକ୍ଷା ଦୃଷ୍ଟିରୁ ଝାରସୁ୍ଗୁଡ଼ା ବୀର ସୁରେନ୍ଦ୍ର ସାଏ ବିମାନବନ୍ଦରକୁ ବେରିକେଟ ମଧ୍ୟ କରାଯାଇସାରିଥିଲା ।
କିନ୍ତୁ ଗୁରୁବାର ଅପରାହ୍ନରେ ପ୍ରଧାନମନ୍ତ୍ରୀଙ୍କ କାର୍ୟ୍ୟାଳୟରୁ ଝାରସୁଗୁଡ଼ା ଜିଲାପାଳ ଓ ଏସପିଙ୍କ ପାଖକୁ ଏକ ଚିଠି ଆସିଥିଲା ଯେଉଁଥିରେ ଝାରସୁଗୁଡ଼ା ବିମାନବନ୍ଦରରୁ ପ୍ରଧାନମନ୍ତ୍ରୀ ରାୟଗଡ଼ ନୁହେଁ ବରଂ ରାୟପୁର ବିମାନ ବନ୍ଦରରୁ ରାୟଗଡ଼ ଆସି ସେଠାରୁ ପୁଣି ପଶ୍ଚିମବଙ୍ଗ ଯିବେ ବୋଲି ଉଲ୍ଲେଖ ରହିଛି । ହୁଏତ ଝାରସୁଗୁଡ଼ା ବିମାନବନ୍ଦରରୁ ଏଯାଏ ବିମାନ ଚଳାଚଳ ହେଇନଥିବାରୁ କାରଣରୁ ପ୍ରଧାନମନ୍ତ୍ରୀ ଦ୍ୱିତୀୟଥରପାଇଁ ଝାରସୁଗ୍ୁଡ଼ାରୁ ଆସି ଅନ୍ୟତ୍ର ଯିବାର କାର୍ୟ୍ୟକ୍ରମକୁ ବାତିଲ କରାଯାଇଛି । ପୂର୍ବରୁ ପ୍ରଧାନମନ୍ତ୍ରୀଙ୍କ ବଲାଙ୍ଗିର ଗସ୍ତ ସମୟରେ ମଧ୍ୟ ଝାରସୁ୍ଗୁଡ଼ା ହୋଇଯିବାର କାର୍ୟ୍ୟକ୍ରମ ରହିଥିଲା କିନ୍ତୁ ଠିକ ସମୟରେ ଏହାକୁ ବାତିଲ କରିଦିଆଯାଇଥିଲା ।
