ପଣସ ଗଛରୁ ପଡି ଯୁବକ ମୃତ

ଫୁଲବାଣୀ: କନ୍ଧମାଳ ଜିଲା ଖଜୁରୀ ପଡା ବ୍ଲକ ଆଡ଼ାସିପଡା ପଞ୍ଚାୟତ ବଡଭୂଇଁ ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ଆଜି ସନ୍ଧ୍ୟା ୫ଟା ସମୟରେ ରାମସିଂ କହଁର(୨୪)ଓ ଅମରେନ୍ଦ୍ର କହଁର ଦୁଇ ସାଙ୍ଗ ମିଶି ନିଜ ଘର ବାଡ଼ିରେ ଥିବା ଏକ ପଣସ ଗଛରୁ ପଣସ ତୋଳିବାକୁ ଯାଇଥିଲେ। ରାମସିଙ୍ଗ କହଁର ଗଛରେ ପଣସ ତୋଳିବା ସମୟରେ ଗଛର ଡାଳ ଭାଙ୍ଗି ଯାଇଥିଲା ଏବଂ ରାମିସିଙ୍ଗ ଗଛରୁ ତଳେ ପଡ଼ିଯାଇଥିଲା। ହଠାତ ରାମସିଙ୍ଗ ତଳେ ପଢିବା ଦେଖି ପଣସ ଗଛ ତଳେ ଠିଆ ହୋଇଥିବା ଅମରେନ୍ଦ୍ର ପାଟି କରି ଘର ଲୋକଙ୍କୁ ଡାକିଥିଲା। ଘର ଲୋକେ ରାମସିଙ୍ଗ ଗୁରୁତର ଅବସ୍ଥାରେ ରାମସିଙ୍ଗଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ଆଣି ଚିକିତ୍ସା ପାଇଁ ଭର୍ତ୍ତି କରିଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ରାମସିଙ୍ଗଙ୍କୁ ଡାକ୍ତର ମୃତ ଘୋଷଣା କରିଥିଲେ। ପୁଅ ରାମସିଙ୍ଗଙ୍କ ମୃତ୍ୟୁ ଖବର ପାଇ ବାପାମା ଦୁଃଖରେ ଭାଙ୍ଗି ପଡ଼ିଛନ୍ତି ଏବଂ ବଡ଼ଭୂଇଁ ଗାଁରେ ଶୋକର ଛାୟା ଖେଳିଯାଇଛି।

Comments are closed.