ପାତ୍ରପୁର:କାମ କରିବାକୁ ତାମିଲନାଡୁ ଯାଇଥିବା ଜଣେ ଆଦିବାସୀ ଓଡ଼ିଆ ଦାଦନ ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ମୃତକ ଜଣକ ବୁରାତାଲ ପଞ୍ଚାୟତ ଦୁର୍ଗମ ମୁଣ୍ଡେଇସିଙ୍ଗି ଗ୍ରାମର ପରଛିଆ ଭୁୟାଁ (୩୦) ବୋଲି ଜଣାପଡ଼ିଛି। ଗତ କିଛିଦିନ ପୂର୍ବେ କିଛି ସାଙ୍ଗଙ୍କ ସହିତ ତାମିଲନାଡ଼ୁର ଯାଇ ସାଙ୍କରୀର ନାଗଚିତିପଲ୍ଲୀର ଏକ ଘରୋଇ କମ୍ପାନୀରେ କାମ କରୁଥିଲେ। ଗତକାଲି କାମରୁ ଫେରିବା ପରେ ରାତିରେ ଶୋଇବାକୁ ଯାଇଥିଲେ କିନ୍ତୁ ସକାଳୁ ସେ ଉଠି ନଥିଲେ। ସ୍ଥାନୀୟ ଲୋକେ ଜାଣିବା ପରେ ପୁଲିସ୍ ଖବର ଦେଇଥିଲେ। ପୁଲିସ୍ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ବ୍ୟବଚ୍ଛେଦ ପରେ ଶବ ଗ୍ରାମକୁ ଆସିବ ବୋଲି ଜଣାପଡିଛି। ଯୁବକଙ୍କ ମୃତ୍ୟୁ ଖବର ଜଣାପଡ଼ିବା ପରେ ଗ୍ରାମରେ ଶୋକର ଛାୟା ଖେଳିଯାଇଥିବା ଦେଖିବାକୁ ମିଳିଛି।
Popular Categories
Previous article
Next article