ପାଟଣା : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ଜାତୀୟ ରାଜପଥ ବାଉଁଶୁଳୀ ଛକ ନିକଟରେ ଆଜି ବିଳମ୍ୱିତ ଏକ ଟ୍ରକ ଗୋଟିଏ ବଳଦକୁ ଧକ୍କା ଦେଇ ମାରିବା ପରେ ଗୋଟିଏ ବିଦେଶୀ ମଦ ବୋଝେଇ ପିକଅପ୍ କୁ ମୁହାଁ ମୁହିଁ ଧକ୍କା ଦେଇ ଥିଲା। ଫଳରେ ମଦ ବୋଝେଇ ପିକ୍ଅପ ଭ୍ୟାନ୍ ଟି ରାଜପଥ ଉପରେ ଓଲଟି ପଡ଼ିଥିଲା। ଏହାପରେ ରାଜପଥ ରେ ମଦ ବୋତଲ ଭାଙ୍ଗି ସମ୍ପୂର୍ଣ୍ଣ ରାଜପଥ ମଦ ମୟ ସହ ରାସ୍ତା ସାରା କାଚ ଭର୍ତି ହୋଇ ପଡ଼ିଥିଲା। ଦୁର୍ଘଟଣା ପରେ ଲୋକେ ବଳକା ବିଦେଶୀ ମଦ ପେଟି କୁ ବୋହି ନେଇ ଯାଇଥିବା ବେଳେ ଉଖୁଣ୍ଡା ବିଦେଶୀ ମଦ କାଉଣ୍ଟରକୁ ବିଦେଶୀ ମଦ ଆସୁଥିବା ସମୟ ରେ ଏହି ଦୁର୍ଘଟଣା ଘଟିଛି। ଘଟଣା ସ୍ଥଳରେ ତୁରୁମୁଙ୍ଗା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
Comments are closed.