ପାଟଣା: କେନ୍ଦୁଝର ଜିଲ୍ଲା ସଦର ବ୍ଲକ କାଉଁରିକଳା ଗ୍ରାମପଞ୍ଚାୟତ ଖୁଣ୍ଟାପଡା ଗ୍ରାମରେ ଆଞ୍ଚଳିକ ସ୍ଥିତିକୁ ଅନୁଧ୍ୟାନ କରି ବିଭିନ୍ନ ପ୍ରକାର ସଚେତନତା କାର୍ଯ୍ୟକ୍ରମ ସୃଷ୍ଟି କରିବାର ପ୍ରୟାସ କରିଥିଲା ଭରସା ପରିବାର । ସଭାପତି ଲମ୍ବୋଦର ମହାନ୍ତ, ଯୋଜନା ପ୍ରମୁଖ ଶିବଶଙ୍କର ମିଶ୍ର, ମିଡିଆ ସେଲ ବିଜୟ କୁମାର ମହାନ୍ତ, ସକ୍ରିୟ ସଦସ୍ୟା ମମତାମୟୀ ପାତ୍ର, ଗ୍ରାମବାସୀଙ୍କ ମଧ୍ୟରେ ବୈଶାଖୁ ମହାନ୍ତ, ସହଦେବ ମୁଣ୍ଡା ଓ ଜଗମୋହନ ମୁଣ୍ଡା ପ୍ରମୁଖ ଉପସ୍ଥିତ ରହି ଖୁଣ୍ଟାପଡା ଗ୍ରାମବାସୀଙ୍କୁ ଶିକ୍ଷା, କୃଷିକୁ ଗୁରୁତ୍ୱ ଦେବା ପାଇଁ ମତପ୍ରକାଶ କରିଥିଲେ । ଉତ୍ତମ ସ୍ୱାସ୍ଥ୍ୟ ପାଇଁ ନିଶାମୁକ୍ତ ରହିବା ପାଇଁ ଆହ୍ୱାନ ଦେଇଥିଲେ । ଦେହ ଖରାପ ହେଲେ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଗୁଣିଗାରେଡି ଉପରେ ନିର୍ଭର ନକରି ଡାକ୍ତରଖାନାରେ ଚିକିତ୍ସିତ ହେବାପାଇଁ ସଚେତନ କରାଯାଇଥିଲା । ପରିଶେଷରେ ଭରସା ପରିବାର ପକ୍ଷରୁ ମାଗଣା ବସ୍ତ୍ର ହାଟ ଶୁଭାରମ୍ଭ କରାଯାଇଥିଲା । ଉପସ୍ଥିତ ଗ୍ରାମବାସୀ ନିଜ ନିଜ ଇଚ୍ଛା ମୁତାବକ ବସ୍ତ୍ର ପସନ୍ଦ କରି ନେଇଥିଲେ । ଛୋଟ ଛୋଟ ପିଲାମାନଙ୍କୁ ବିସ୍କୁଟ ବଣ୍ଟନ ସହିତ ଶିକ୍ଷାଗ୍ରହଣ ପାଇଁ ବିଦ୍ୟାଳୟକୁ ଯିବାକୁ ପ୍ରତିଜ୍ଞାବଦ୍ଧ କରାଯାଇଥିଲା ।
Comments are closed.