ଇସଲାମାବାଦ .- ଭାରତ କ୍ଷେପଣାସ୍ତ୍ର ମାଡ କରି ଏକ ସାଟେଲାଇଟ୍ ଧ୍ୱଂସ କରିବା ପରେ ଏହା ପଡ଼ୋଶୀ ରାଷ୍ଟ୍ର ପାକିସ୍ତାନର ଚିନ୍ତା ବଢାଇ ଦେଇଛି । ଆଗରୁ ଏପରି ପରୀକ୍ଷଣ ବନ୍ଦ କରିବା ଆବଶ୍ୟକ ବୋଲି ପାକିସ୍ତାନ କହୁଥିଲା । ଭାରତକୁ ଏପରି ପରୀକ୍ଷଣ ନକରିବା ପାଇଁ ଚାପ ସୃଷ୍ଟି କରିବାକୁ ପାକିସ୍ତାନ ଦାବି କରିଥିଲା । ଏବେ ପୁଣି ଏହ ପ୍ରସଙ୍ଗରେ ପାକିସ୍ତାନ ଖୋଲା ଖୋଲି ବିରୋଧ କରିବା ଆରମ୍ଭ କରିଛି ।
ପାକିସ୍ତାନ ପ୍ରତି କିଛି ବି ବିପଦ ନ ଥିବା ବେଳେ ସେ ମହାକାଶରେ ଭାରତର ଏସାଟ୍ ପରୀକ୍ଷଣରୁ ସୃଷ୍ଟି ହେଉଥିବା ଅନ୍ତରୀକ୍ଷ ଆବର୍ଜନାକୁ ନେଇ ଚିନ୍ତା ପ୍ରକଟ କରିଛି । ମହାକାଶକୁ ଶାନ୍ତି ପାଇଁ ବ୍ୟବହାର କରିବା ଆବଶ୍ୟକ ଯୁଦ୍ଧ ପାଇଁ ନୁହଁ ବୋଲି ଆତଙ୍କବାଦକୁ ପ୍ରଶୟ ଦେଉଥିବା ପାକିସ୍ତାନ କହିଛି । ନାସା ଭାରତର ଏହି ପରୀକ୍ଷଣରୁ ସୃଷ୍ଟି ହୋଇଥିବା ଅନ୍ତରୀକ୍ଷ ଆବର୍ଜନାକୁ ନେଇ ଚିନ୍ତା ପ୍ରକଟ କରିବାର ଗୋଟିଏ ଦିନ ପରେ ପାକିସ୍ତାନର ଏହାକୁ ନେଇ ନିଜର ଚିନ୍ତା ବ୍ୟକ୍ତ କରିଛି ।
ମାର୍ଚ୍ଚ ୨୭ ତାରିଖରେ ଭାରତ ଏସାଟ୍ କ୍ଷେପଣାସ୍ତ୍ର ପରୀକ୍ଷଣ କରିଥିଲା । ଏହା ସଫଳ ହୋଇଥିଲା । ଏହାପରେ ଚୀନ୍ ଓ ପାକିସ୍ତାନ ଚିନ୍ତା ପ୍ରକଟ କରିଥିଲେ । ପୂର୍ବରୁ ଆମେରିକା ,ଋଷ୍ ଓ ଚୀନ୍ ଏହି ପରୀକ୍ଷଣ କରିଥିଲେ ।
Comments are closed.