ଫୁଲବାଣୀ/ଦାରିଙ୍ଗବାଡ଼ି: ବହୁଚର୍ଚ୍ଚିତ ନୟାଗଡ଼ ପରୀ ହତ୍ୟାକାଣ୍ଡ ଘଟଣାରେ ରବିବାର କନ୍ଧମାଳ ଜିଲ୍ଲା ବିଜେପି ମହିଳା ମୋର୍ଚ୍ଚାତରଫରୁ କୃଷିମନ୍ତ୍ରୀ ଅରୁଣ ସାହୁଙ୍କର କୁଶ ପୁତଳିକା ଦାହ କରାଯାଇଛି। ଦାରିଙ୍ଗବାଡ଼ି ଚାରିଛକଠାରେ ସନ୍ଧ୍ୟାରେ ବିଜେପି ମହିଳା ମୋର୍ଚ୍ଚା ତରଫରୁ କୃଷି ମନ୍ତ୍ରୀ ନିଜ ପଦବୀରୁ ଇସ୍ତଫା ଦେବାକୁ ଦାବି କରିବା ସହିତ ଘଟଣାର ସିବିଆଇ ତଦନ୍ତ ପାଇଁ ଦାବି କରିଥିଲେ। ଏହି ଅବସରରେ ନୟାଗଡ଼ ଜିଲ୍ଲା ଯଦୁପୁର ଗ୍ରାମର ୫ବର୍ଷର ଶିଶୁକନ୍ୟା ପରୀ ଅପହରଣ ଓ ହତ୍ୟା ଘଟଣାରେ ସମ୍ପୃକ୍ତ ଥିବା ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବି ଏବଂ ପରୀକୁ ଉପଯୁକ୍ତ ନ୍ୟାୟ ଦାବିରେ ମହିଳା ମୋର୍ଚ୍ଚା ତରଫରୁ କୁଶ ପୁତଳିକା ଦାହ କରିଥିବା ରାଜ୍ୟ ମହିଳା ମୋର୍ଚ୍ଚା କାର୍ଯ୍ୟକାରିଣୀ ସଦସ୍ୟା ଅର୍ଚ୍ଚନା ପ୍ରଧାନ ପ୍ରତିକ୍ରିୟା ରଖିଥିଲେ। ଯଦି ନ୍ୟାୟ ବିଳମ୍ବ ହୁଏ ତେବେ ଆନ୍ଦୋଳନ ତେଜିବ ବୋଲି ମଣ୍ଡଳ ସଭାନେତ୍ରୀ ସୋନାଲି ପ୍ରଧାନ ଚେତାବନୀ ଦେଇଛନ୍ତି। ରାଜ୍ୟ ସରକାର ଓଡ଼ିଶାବାସୀଙ୍କୁ ନ୍ୟାୟ ଦେବାରେ ଅବହେଳା କରୁଥିବା ବେଳେ ଘଟଣାର ତଦନ୍ତ ଭାର ରାଜ୍ୟ ସରକାର କ୍ରାଇମବ୍ରାଞ୍ଚକୁ ହସ୍ତାନ୍ତର କରିଥିବା ବେଳେ ଭାଜପା ଏହି ତଦନ୍ତକୁ ରାଜ୍ୟବାସୀଙ୍କୁ ସରକାର ଲଲିପପ ଧରାଇବାକୁ ଚେଷ୍ଟା କରୁଥିବା ରାଜ୍ୟବାସୀ ଭଲଭାବେ ଜାଣିଛନ୍ତି ବୋଲି ମହିଳା ମୋର୍ଚ୍ଚାର ସଦସ୍ୟ ମାନେ କହିଛନ୍ତି। କ୍ରାଇମବ୍ରାଞ୍ଚର ତଦନ୍ତ ସଦାସର୍ବଦା ମନ୍ତ୍ରୀ ତଥା ସରକାରୀ ଦଳର ନେତାଙ୍କୁ ଘଣ୍ଟ ଘୋଡ଼ାଇବାକୁ ଏକ ଉଦ୍ୟମ ବୋଲି ମଧ୍ୟ ବିଜେପି ଅଭିଯୋଗ କରିଛି। ଏହି କାର୍ଯ୍ୟକ୍ରମରେ ଦାରିଙ୍ଗବାଡ଼ି ମଣ୍ଡଳ ସଭାପତି ସନ୍ତୋଷ କୁମାର ସାହୁଙ୍କ ନେତୃତ୍ୱରେ ଅନୁଷ୍ଠିତ ହୋଇଥିବା ବେଳେ ଏଥିରେ ପୁର୍ବତନ ସଭାପତି ଅରୁଣ ପ୍ରଧାନ, ଜିଲ୍ଲା ଯୁବମୋର୍ଚ୍ଚା ଉପସଭାପତି ହରେନ କୁମାରସାହୁ, ମହିଳାନେତ୍ରୀ ପୁଷ୍ପାଂଜଳି ପରିଚ୍ଚା, ରତ୍ନମାଳା ସଭାସୁନ୍ଦର, ଅଂଜନା ସଭାସୁନ୍ଦର, ଇନ୍ଦ୍ରମଣି ପ୍ରଧାନ, ପ୍ରଭାକର ସାହୁ ମହେଶ୍ୱର ସାହୁ, ମୀନକେତନ ସାହୁ, ଝୁଲୁ ବିଷୋୟୀ, ଭିୟୁତମ ସଭାସୁନ୍ଦର, ଗୁମାନ ସିଂ ପ୍ରଧାନଙ୍କ ସମେତ ବହୁ ସଂଖ୍ୟାରେ ମହିଳା କାର୍ଯ୍ୟକର୍ତା ସାମିଲ ହୋଇଥିଲେ।
Popular Categories
Previous article
Next article