ନୂଆଦିଲ୍ଳୀ: ବର୍ତ୍ତମାନର ସମୟରେ ଠକେଇ ଏକ ସାଧାରଣ କଥା ହୋଇଗଲାଣି । ଦେଶର ପ୍ରାୟ ସମସ୍ତ ସ୍ଥାନରେ ପ୍ରତ୍ୟେକ ଦିନ କିଛି ନା କିଛି ଠକେଇ ହେଉଥିବା ଖବର ସାମ୍ନାକୁ ଆସୁଛି । ବ୍ୟାଙ୍କ ଠକେଇ, ସାଇବର ଠକେଇ, ଜମିବାଡ଼ି କାଗଜପତ୍ରର ଜାଲିଆତି ପରି ଅନେକ ଠକେଇ ଖବର ବର୍ତ୍ତମାନ ଘଟୁଛି । ଏହାରି ଭିତରେ ଆଉ ଏକ ନୂତନ ଧରଣର ଠକେଇ ସାମ୍ନାକୁ ଆସିଛି ଯାହା ଶୁଣିଲେ ଆପଣଙ୍କୁ ନିଶ୍ଚୟ ଟିକେ ଅଲଗା ଲାଗିବ । କାରଣ ଗୋଟିଏ ଘୋଡ଼ାକୁ ନେଇ ଚଳୁ କରାଯାଇଛି ୨୩ ଲକ୍ଷ ଟଙ୍କା । ତେବେ ଆସନ୍ତୁ ଜାଣିବା ସମ୍ପୂର୍ଣ୍ଣ ଘଟଣା ।
ଏପରି ଏକ ଅଭିଯୋଗ ଆସିଛି ପଞ୍ଜାବରୁ । ଜଣେ ଘୋଡା ବ୍ୟବସାୟୀ ସର୍ବୋତ୍ତମ ଘୋଡ଼ା କହି ଜଣେ ବ୍ୟକ୍ତିଙ୍କୁ ଠକେଇର ଶିକାର କରିଛନ୍ତି । କୁହାଯାଏ ଘୋଡ଼ାଙ୍କ ମଧ୍ୟରେ କଳା ଘୋଡ଼ା ସର୍ବୋତ୍ତମ । ଏକ କଳା ଘୋଡ଼ା ବିକ୍ରି କରିବାକୁ କହି ବ୍ୟକ୍ତିଜଣଙ୍କ ଠାରୁ ୨୩ ଲକ୍ଷ ଟଙ୍କା ଲୁଟିଛନ୍ତି ବ୍ୟବସାୟୀ । ଖାଲି ସେତିକି ନୁହେଁ ବ୍ୟକ୍ତି ଜଣକଙ୍କ ନିକଟରେ ଘୋଡ଼ାକୁ ନେଇ କିଛି ଅଲଗା ବର୍ଣ୍ଣନା କରିଛନ୍ତି ବ୍ୟବସାୟୀ ।
ହେଲେ ସବୁଠାରୁ ବଡ଼ କଥା ହେଉଛି କଳା ରଙ୍ଗ ଦେଖାଯାଉଥିବା ଘୋଡ଼ାଟି କଳାରଙ୍ଗର ନଥିଲା । ବ୍ୟବସାୟୀ ଜଣକ ଏକ ଧୂଷର ରଙ୍ଗର ଘୋଡ଼ାକୁ କଳା ରଙ୍ଗଦେଇ ବଜାରରେ ବିକ୍ରି କରିଥିଲେ । ବ୍ୟକ୍ତି ଜଣକ ଘୋଡ଼ା ଟିକୁ କିଣିନେବା ପରେ କିଛି ଦିନପରେ ରଙ୍ଗ ଛାଡ଼ିଯିବାରୁ ଏସବୁ ଜାଣିବାକୁ ପାଇଥିଲେ । ଏନେଇ ଟ୍ୱିଟରେ ହର୍ସ ଗୋଏଙ୍କ ନାମକ ଜଣେ ବ୍ୟକ୍ତି ଏକ ଟ୍ୱିଟ୍ କରିଥିବା ବେଳେ ଏକ କଳା ଘୋଡାର ଫଟୋ ପୋଷ୍ଟ କରି ଲେଖିଛନ୍ତି, ‘ନିକଟରେ ଜଣେ ଘୋଡା ବ୍ୟବସାୟୀ ପଞ୍ଜାବରେ ୨୩ ଲକ୍ଷ ଟଙ୍କା ଠକିଛନ୍ତି । ସେ ତାଙ୍କୁ ଏକ ଉତ୍ତମ ପ୍ରଜାତିର ଏକ ‘ବିରଳ କଳା ଘୋଡା’ ବିକ୍ରି କରିଛନ୍ତି । ଅବଶ୍ୟ, ରଙ୍ଗ ଧୋଇଯିବା ପରେ ଘୋଡାଟିର ପ୍ରକୃତ ସତ୍ୟ ସାମ୍ନାକୁ ଆସିଛି । କଳା ଘୋଡା ବାଦାମୀ ହୋଇଯାଇଛି । ଏହା କେବଳ ଭାରତରେ ହୋଇପାରେ ବୋଲି ସେ କହିଛନ୍ତି ।
ସେପଟେ ଏହି ଅଭିଯୋଗ ସାଙ୍ଗୁର ଜିଲ୍ଲାର ସୁନମର ଥାନାରେ ହୋଇଛି । ପୁଲିସ ଏନେଇ ତଦନ୍ତ କରୁଥିବା ବେଳେ ଏକାଧିକ ବ୍ୟକ୍ତି ଏହି ଠକେଇରେ ସମ୍ପୃକ୍ତ ଥିବା ଜଣାପଡ଼ିଛି ।
Comments are closed.