ତିରୁପତିରେ ଭଗବାନ ବାଲାଜୀଙ୍କୁ ୧ କୋଟି ଟଙ୍କାର ଖଡ୍ଗ ଅର୍ପଣ
ତିରୁପତି: ଏଠାରେ ତିରୁମାଳା ପବର୍ତମାଳାରେ ଥିବା ଭଗବାନ ଭେଙ୍କଟେଶ୍ୱରଙ୍କ ପବିତ୍ର ପୀଠରେ ଜଣେ ଭକ୍ତ ୧ କୋଟି ଟଙ୍କା ମୂଲ୍ୟର ଏକ ଖଡ୍ଗ ଅର୍ପଣ କରିଛନ୍ତି । ଏହି ଖଡ୍ଗର ଓଜନ ୫ କିଲୋଗ୍ରାମ ଏବଂ ଏଥିରେ ୨ କିଲୋଗ୍ରାମ ସୁନା ଏବଂ ୩ କିଲୋଗ୍ରାମ ରୂପା ବ୍ୟବହାର କରାଯାଇଛି । ହାଇଦରାବାଦର ଜଣେ ବ୍ୟବସାୟୀ ତଥା ଭକ୍ତ ଭଗବାନଙ୍କ ନିକଟରେ ଏହାକୁ ଅର୍ପଣ କରିଛନ୍ତି । ଏହି ଖଡ୍ଗକୁ ‘ସୂର୍ଯ୍ୟକାଟାରି’ ବୋଲି କୁହାଯାଉଛି । ଏହି ଅବସରରେ ତିରୁମାଲା-ତିରୁପତି ଦେବସ୍ଥାନମର ଅତିରିକ୍ତ ନିର୍ବାହୀ ଅଧିକାରୀ ଏ ଭେଙ୍କଟ ଧର୍ମା ରେଡ୍ଡି ଉପସ୍ଥିତ ରହି ଖଡ୍ଗକୁ ଗ୍ରହଣ କରିଥିଲେ ।
Comments are closed.