ଫୁଲବାଣୀ: ଫୁଲବାଣୀ ସହରର ଦୀର୍ଘାୟୁ ବ୍ୟକ୍ତି ତଥା ଅବସରପ୍ରାପ୍ତ ଶିକ୍ଷକ ବିଶ୍ବନାଥ ନନ୍ଦ ତାଙ୍କର ୧୦୦ତମ ଜନ୍ମ ଦିବସ ପାଳନ କରିଛନ୍ତି। ସେ ୧୯୫୪ ମସିହାରେ ଫୁଲବାଣୀ ଏଜେଓ ଉଚ୍ଚ ବିଦ୍ୟାଳୟରେ ହିନ୍ଦୀ ଶିକ୍ଷକ ରୂପେ ଯୋଗଦେଇ ୧୯୮୨ ମସିହାରେ ଅବସର ନେଇଥିଲେ। ସରକାରୀ ଚାକିରି କରିବା ପୂର୍ବରୁ ସେ ଦୈନିକ ଖବରକାଗଜ ’ସମାଜ’ ସହ ସମ୍ପୃକ୍ତ ଥିଲେ। ଆଚାର୍ଯ୍ୟ ହରିହର ଦାସଙ୍କ ଆଦର୍ଶରେ ଅନୁପ୍ରାଣିତ ହୋଇ ସେ ସମାଜସେବାରେ ବ୍ରତୀ ହେବା ସହିତ ପଣ୍ଡିତ ନୀଳକଣ୍ଠ ଦାଶଙ୍କ ଘନିଷ୍ଠ ଥିଲେ। ଫୁଲବାଣୀ ସହରରେ ଜଣେ ଆମାୟିକ ବ୍ୟକ୍ତି ଓ ଆଦର୍ଶ ଶିକ୍ଷକ ଭାବେ ସେ ପରିଚିତ। ବର୍ତ୍ତମାନ ଦାମନଯୋଡିରେ ସାନପୁଅ ପାଖରେ ରହୁଥିବା ବେଳେ ଗୁରୁବାର ନିଜର ଶହେତମ ଜନ୍ମଦିନ ପାଳିଛନ୍ତି। ଏ ଅବସରରେ ବଡ଼ପୁଅ ବନବିହାରୀ ନନ୍ଦ, ସାନପୁଅ ବିପିନ ବିହାରୀ ନନ୍ଦ, ଜାମାତା ଚନ୍ଦ୍ରଶେଖର ଦ୍ବିବେଦୀ, କନ୍ୟା ବନ୍ଦିତା ନନ୍ଦ, ପୁତ୍ରବଧୂ ଦେବସ୍ମିତା ପ୍ରମୂଖ ଉପସ୍ଥିତ ଥିଲେ। ଫୁଲବାଣୀ ସହରର ବହୁ ବ୍ୟକ୍ତି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ସହ ଦୀର୍ଘ ଜୀବନ କାମନା କରିଛନ୍ତି।
Popular Categories
Previous article
Next article