ହରଭଙ୍ଗା: ବୌଦ୍ଧ ଥାନା ହରଭଙ୍ଗା ବ୍ଲକ ୫୭ନଂ ଜାତୀୟ ରାଜପଥ ରାମ୍ଭିକଟା ନିକଟରେ ମଙ୍ଗଳବାର ସକାଳେ ଏକ ଅଜଣାଗାଡି ଧକ୍କାରେ ବାଇକ ଚାଳକଙ୍କ ମୃତ୍ୟୁ ହୋଇଥିବା ଜଣାପଡିଛି। ସୂଚନାନୁସାରେ ବୌଦ୍ଧ ସହର ଖଲିଆବଗିଚା ଅଂଚଳର ମନୋଜ ପଟ୍ଟନାୟକ ନାମକ ଜଣେ ଯୁବକ ଏକ ବାଇକ ଯୋଗେ କୌଣସି କାମରେ ରାମ୍ଭିକଟା ଯାଉଥିବା ସମୟରେ ରାମ୍ଭିକଟା ଛକ ନିକଟରେ ଏକ ଅଜଣାଗାଡି ଧକ୍କା ଦେଇଥିଲା। ଏଥିରେ ମନୋଜଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। ଖବର ପାଇ ବୌଦ୍ଧ ପୁଲିସ ଘଟଣାସ୍ଥଳରେ ପହଂଚି ଶବକୁ ଉଦ୍ଧାର କରିବା ସହ ଦୁର୍ଘଟଣା ଛାନଭିନ ଆରମ୍ଭ କରିଛି।
ସେହିପରି ଆଜି ମଧ୍ୟାହ୍ନରେ ୫୭ନଂ ଜାତୀୟ ରାଜପଥ ପୁରୁଣାକଟକ ଥାନା ଡିଗସିରା ନିକଟରେ ଏକ କାରକୁ ଏକ ବାଇକ ଅତିକ୍ରମ କରୁଥିବା ସମୟରେ ବାଇକଟି ଦୁର୍ଘଟଣାଗ୍ରସ୍ଥ ହୋଇଥିଲା। ଏଥିରେ ବାଇକ ଚାଳକ ଫୁଲଝରି ଗ୍ରାମର ବାଦଲ ବେହେରା ଗୁରୁତର ଆହତ ହେବା ସହ ତାଙ୍କ ଗୋଡ ଭାଙ୍ଗିଯାଇଥିବା ଜଣାପଡିଛି।
Comments are closed.