ନୂଆଦିଲ୍ଲୀ : ରାସ୍ତା ନିର୍ମାଣ କାମରେ ପ୍ରତିବନ୍ଧକ ସୃଷ୍ଟି କରୁଥିବା ରାଜନେତାଙ୍କ ବିରୋଧରେ ତଦନ୍ତ ପୂର୍ବକ ଆବଶ୍ୟକ କାର୍ଯ୍ୟାନୁଷ୍ଠାନ ନେବା ଲାଗି କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀ ସିବିଆଇ ଓ ପ୍ରବର୍ତ୍ତନ ନିର୍ଦେଶାଳୟ (ଇଡି)କୁ ଚିଠି ଲେଖିଛନ୍ତି। ନଭେମ୍ବର ୧୮ରେ ଗଡକରୀ ସିବିଆଇ ଓ ଇଡିକୁ ଲେଖିଥିବା ଚିଠିରେ ଉଲ୍ଲେଖ କରିଛନ୍ତି ଯେ ଅଧିକଂାଶ ରାଜ୍ୟର ସାଂସଦ ଓ ବିଧାୟକମାନେ ନିଜ ରାଜ୍ୟରେ ସଡକ ନିର୍ମାଣ କାମରେ ସହଯୋଗ କରୁ ନାହାନ୍ତି। ଏ ସମ୍ପର୍କରେ ସେ କେତେକ ଅଡିଓ ଓ ଭିଡିଓ ପ୍ରମାଣ ସଂଯୋଗ କରିଛନ୍ତି। ରାସ୍ତା କାମ କରୁଥିବା ଠିକାଦାର ଓ ଏନଜିଓ ଅଭିଯୋଗ କରୁଛନ୍ତି ଯେ ସ୍ଥାନୀୟ ରାଜନେତା ନିର୍ମାଣ କାମରେ ବାଧା ସୃଷ୍ଟି କରୁଛନ୍ତି। କେତେକ ନେତା ଠିକାଦାରଙ୍କ ଠାରୁ ଅର୍ଥ ଦାବି କରୁଛନ୍ତି। ଗଡକରୀଙ୍କ ନିଜ ରାଜ୍ୟ ମହାରାଷ୍ଟ୍ରରେ ଏପରି ସର୍ବାଧିକ ଅଭିଯୋଗ ଆସିଛି। ଏହା ପଛକୁ ରହିଛି ମଧ୍ୟପ୍ରଦେଶ ଓ ଛତିଶଗଡ। ରାସ୍ତା ନିର୍ମାଣ କାମରେ ରାଜନେତାଙ୍କ ପ୍ରତିବନ୍ଧକ କାରଣରୁ ଧାର୍ଯ୍ୟ ସମୟରେ ନିର୍ମାଣ କାମ ଶେଷ ହୋଇପାରୁ ନାହିଁ ବୋଲି ଗଡକରି ଲେଖିଛନ୍ତି।
ରାସ୍ତା ନିର୍ମାଣରେ ସ୍ଥାନୀୟ ରାଜନେତାଙ୍କ ହସ୍ତକ୍ଷେପ : ତଦନ୍ତ ଲାଗି ସିବିଆଇ, ଇଡିକୁ ଗଡ଼କରୀଙ୍କ ଚିଠି
Popular Categories
Previous article
Next article