ପାଟଣା : ସାହିତ୍ୟ, ସଂସ୍କୃତି, ପରମ୍ପରା କୁ ବଞ୍ଚାଇ ରଖିଥିବା ପଶ୍ଚିମବଙ୍ଗ କୋଲକତା ଶାଖା ନୀଳଚକ୍ର ଅନୁଷ୍ଠାନର ପ୍ରଚେଷ୍ଟା କେବଳ ଜାରି ରହିଛି ତାହା ନୁହେଁ ଏହା ଦୁନିଆଁ ପାଇଁ ଭିନ୍ନ ଏକ ବାର୍ତ୍ତା ଦେଉଛି । ଏହି ପରିପ୍ରେକ୍ଷୀରେ ଗତ କାଲି ନୀଳଚକ୍ର ଅନୁଷ୍ଠାନ ଖୁବ ଆଡମ୍ବର ସହକାରେ ହାଉଡ଼ା ଦାସ ନଗର ଠାରେ ପ୍ରତିଷ୍ଠା ଦିବସ ପାଳନ କରିଛି । ଉକ୍ତ ଉତ୍ସଵରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ୟୁକୋ ବ୍ୟାଙ୍କର ଡି ଜି ଏମ ରମେଶ ଚନ୍ଦ୍ର ସାହୁ, ଆୟକର ବିଭାଗର ଅଧିକାରୀ ଆଶୁତୋଷ କୁମାର ସାହୁ ଓ ଡକ୍ଟର ଲିସା ପଣ୍ଡା । ପ୍ରଥମେ ନୀଳଚକ୍ର ଅନୁଷ୍ଠାନର ପୂର୍ଵତନ ସମ୍ପାଦକ ରବୀନ୍ଦ୍ର କୁମାର ବାରିକ୍ ତାଙ୍କର ସ୍ୱାଗତ ଭାଷଣରେ ଅନୁଷ୍ଠାନ ବିଷୟରେ ବହୁ କିଛି ବକ୍ତ୍ୟବ ରଖି ଅନୁଷ୍ଠାନର ଆଗାମୀ ଦିନର ଉନ୍ନତିରୁ ଉନ୍ନତି କାମନା କରିଥିଲେ । ଅନୁଷ୍ଠାନର ଉପଦେଷ୍ଟା ସାହିତ୍ୟିକ ସାଫଲ୍ୟ ନନ୍ଦୀ ସଭା ପରିଚଳନା କରି ଅତିଥି ପରିଚୟ ଓ ଅନୁଷ୍ଠାନ ବିଷୟରେ ସ୍ୱଳ୍ପ ମନ୍ତ୍ୟବ ଦର୍ଶକ ମାନଙ୍କୁ ଓଡ଼ିଆ ନବବର୍ଷର ଅଭିନନ୍ଦନ ଜଣାଇ ଥିଲେ । ସମ୍ପାଦକ ଶେଷଦେବ ସାମଲ ସମ୍ପାଦକୀୟ ପାଠ ବିବରଣୀ ଦେଇ କହିଲେ ନୀଳଚକ୍ର କେବଳ ଅନୁଷ୍ଠାନ ନୁହେଁ ଏହା ଆମ ପାଇଁ ଏକ ବୃହତ ଓ ଯୌଥ ପରିବାର ।
ଅନୁଷ୍ଠାନର ଉପଦେଷ୍ଟା ଓ କୋଲକତା ଓଡ଼ିଆ ସାହିତ୍ୟର ବାଗ୍ମୀ କୃଷ୍ଣଚନ୍ଦ୍ର ଭୁଁୟା ଅନୁଷ୍ଠାନ ବିଷୟରେ ସ୍ୱଳ୍ପ ବକ୍ତ୍ୟବ ରଖି କୋଲକତା ବଡ଼ବଜାରର ଶ୍ରମିକ କବି ଦେବେନ୍ଦ୍ର ଦେଓଙ୍କ ବିଷୟରେ କିଛି କହିଥିଲେ । ଅତିଥି ରମେଶ ଚନ୍ଦ୍ର ସାହୁ ତାଙ୍କ ଅଳ୍ପ ଭାଷଣରେ ସେ ଦେଶର ୨୬ ଟି ରାଜ୍ୟ ବୁଲିଲେ ଵି ତାଙ୍କୁ କୋଲକତା ଖୁବ ଭଲ ଲାଗେ ଏବଂ ସେ ଓଡ଼ିଆ ମାନଙ୍କୁ ଖୁବ ଭଲ ପାଆନ୍ତି । ମୁଖ୍ୟ ଅତିଥି ଆଶୁତୋଷ କୁମାର ସାହୁ କହିଛନ୍ତି ସେ ଇଂରାଜୀ ମିଡିୟମରେ ପଢ଼ିଲେ ଵି ସୁଦ୍ଧା ସେ ଓଡ଼ିଆ କହିବା ଓ ଲେଖିବାକୁ ଖୁବ ପସନ୍ଦ କରନ୍ତି, ଏବଂ ନୀଳଚକ୍ର ଅନୁଷ୍ଠାନକୁ ପ୍ରଂଶସା କରି ଏହା ଏକ ପରିବାର ବୋଲି କହିଥିଲେ । ଡକ୍ଟର ଲିସା ପଣ୍ଡା ତାଙ୍କ ସ୍ୱଳ୍ପ ଭାଷଣରେ ଵି ଦର୍ଶକ ମାନଙ୍କୁ ମୁଗ୍ଧ କରାଇ ଥିଲେ । ଅନୁଷ୍ଠାନର ସଭାପତି ଲକ୍ଷ୍ମୀ ନାରାୟଣ ମଲ୍ଲିକ ତାଙ୍କର ବୃହତ ଭାଷଣରେ ଶ୍ରୀଜଗନ୍ନାଥ ଙ୍କ ମନ୍ଦିରର ଚାରି ଦ୍ୱାରା ଓ ଚାରି ଦିଗ ପୂର୍ଵ, ପଶ୍ଚିମ, ଉତ୍ତର ଓ ଦକ୍ଷିଣ ଓ ଚାରି ହନୁମାନ ଯଥା ଫତେ ହନୁମାନ , ବୀର ବିକ୍ରମ ହନୁମାନ, ତପସ୍ୱି ହନୁମାନ ଓ ସଙ୍କଟ ମୋଚନ ହନୁମାନ ଙ୍କ ବିଷୟରେ ଖୁବ ସୁନ୍ଦର ଭାଷଣ ଓ ଶ୍ରୀଜଗନ୍ନାଥଙ୍କ ଭକ୍ତ ରଘୁ ଅରକ୍ଷିତ ଦାସଙ୍କ ବିଷୟ କାହାଣୀ ବକ୍ତ୍ୟବ ରଖି ଦର୍ଶକ ମାନଙ୍କ ମନମୁଗ୍ଧ କରାଇଥିଲେ । ଶେଷରେ ଅନୁଷ୍ଠାନର ମୁଖ୍ୟ ସଦ୍ୟସ ନିରଞ୍ଜନ ସାହୁ ସମସ୍ତ ମଞ୍ଚାସିନ ଅତିଥି ଦର୍ଶକ ପରିଚାଳନା କର୍ମୀ , ସହଯୋଗୀ , ନୃତ୍ୟ ଶିଳ୍ପୀ ଓ କଟକରୁ ଆସିଥିବା ସାଂସ୍କୁ ତ୍ରିକ ପାଏଲ ମୁଜିକାଲ ଗ୍ରୁପ ମାନଙ୍କୁ ଧନ୍ୟବାଦ ଦେଇ ଥିଲେ । ଶେଷରେ ଓଡ଼ିଶୀ ଓ ସମ୍ବଲପୁରୀ ନୃତ୍ୟ ରେ ମଞ୍ଚଟି ବେଶ ସଫଳତା ସହିତ ପ୍ରଂଶସନୀୟ ହୋଇଥିଲା ।
Comments are closed.