ନୂଆଦିଲ୍ଲୀ : ନିକଟରେ ଦେଶରେ ସଂଘଟିତ ହ୍ୟାକିଂ ଘଟଣା ପରେ ମାଇକ୍ରୋ ବ୍ଲଗିଂ ସାଇଟ୍ ଟୁଇଟରକୁ କେନ୍ଦ୍ର ସରକାର ନୋଟିସ୍ ଜାରି କରିଛନ୍ତି । ଭାରତୀୟ ସାଇବର ସିକ୍ୟୁରିଟି ନୋଡାଲ ଏଜେନ୍ସି ସିଇଆର୍ଟି-ଇନ୍ ଏ ନେଇ ସଂସ୍ଥାକୁ ନୋଟିସ ପଠାଇଛି । ଏଥିରେ ନିକଟରେ ବିଶ୍ବରେ ହୋଇଥିବା ହ୍ୟାକିଂ ଘଟଣାରେ କେଉଁ ସବୁ ବିଶିଷ୍ଟ ବ୍ୟକ୍ତିଙ୍କୁ ଟାର୍ଗେଟ୍ କରାଯାଇଥିଲା ସେ ନେଇ ପ୍ରଶ୍ନ କରାଯାଇଛି । ନୋଟିସ୍ରେ ନିର୍ଦ୍ଧିଷ୍ଟ ଭାବେ କେତେକ ସଂଖ୍ୟକ ଭାରତୀୟ ବ୍ୟବହାରକାରୀ ସେମାନଙ୍କର ଡାଟାକୁ ନେଇ ପ୍ରଭାବିତ ହୋଇଥିଲେ ସେ ସମ୍ପର୍କରେ ସମ୍ପୂର୍ଣ୍ଣ ସୂଚନା ଦେବାକୁ କୁହାଯାଇଛି । ଏଡାଛଡା ଭାରତର କେତେ ସଂଖ୍ୟକ ୟୁଜର ଏହି କ୍ଷତିକାରର ଟୁଇଟ୍ ଏବଂ ଲିଙ୍କ୍ଗୁଡିକୁ ଭିଜିଟ୍ କରିଛନ୍ତି । ତେବେ ଏହି ହ୍ୟାକିଂରେ କ୍ଷତିଗ୍ରସ୍ତ ବ୍ୟବହାରକାରୀଙ୍କୁ ସେମାନଙ୍କର ଟୁଇଟର ଆକାଉଣ୍ଟକୁ ଆସୁଥିବା ଅନାବଶ୍ୟକ ସୂଚନାକୁ ଆକ୍ସେସ୍ ନ କରିବାକୁ ସାଇଟ୍ ପକ୍ଷରୁ ସୂଚନା ଦିଆଯାଇଥିଲା କି ନାହିଁ ସେ ସମ୍ପର୍କରେ ମଧ୍ୟ ତଥ୍ୟ ବିଭାଗ ମାଗିଛି । ତେବେ ଏ ସମ୍ପର୍କରେ ଟୁଇଟର ପକ୍ଷରୁ ତୁରନ୍ତ କୌଣସି ସୂଚନା ଦିଆଯାଇ ନ ଥିବା ଜଣାଯାଇଛି ।
Comments are closed.