ଆରଡି:ବୈତରଣୀ ନଦୀର ଉପର ମୁଣ୍ଡରେ ବର୍ଷା ଯୋଗୁ ଗତ ୨ଦିନ ହେଲା ଚାନ୍ଦବାଲି ବ୍ଲକର ଆରଡି, ନାନ୍ଦପୁର, ଓଳଗ ଓ ସୁନ୍ଦରପୁର ପଞ୍ଚାୟତ ଦେଇ ପ୍ରବାହିତ ହେଉଥିବା ବୈତରଣୀ ଓ ସାଳନ୍ଦୀ ନଦୀରେ ଜଳସ୍ତର ବଢିବାରେ ଲାଗିଛି। ଏପଟେ ଏକାଦଶି ତିଥି ଥିବାରୁ ସମୁଦ୍ରର ଜୁଆରୀଆ ରହୁଥିବାରୁ ଉପରମୁଣ୍ଡରୁ ଆସୁଥିବା ବନ୍ୟାଜଳ ଠିକ ଭାବେ ନିଷ୍କାସିତ ନହେବା ସହ ତଳିଆ ଅଞ୍ଚଳ ଗୁଡିକରେ ବିଭିନ୍ନ ଏସକେପ ଓ ମାହାରା ଦେଇ ବନ୍ୟାଜଳ ଚାଷଜମୀକୁ ମାଡିବାରେ ଲାଗିଛି। ବୈତରଣୀ ନଦୀର ସୁନ୍ଦରପୁର ଠାରୁ ମୁଆଁ ଘାଟ ପର୍ୟ୍ୟନ୍ତ ଜଳସେଚନ ବିଭାଗ ପକ୍ଷରୁ ନଦୀବନ୍ଧ ସୁଦୃଢ କରିବା ପାଇଁ ପ୍ରାୟ ୧୦କୋଟି ଟଙ୍କା ଖର୍ଚ୍ଚ କରାଯାଇଥିଲେ ମଧ୍ୟ ୫ରୁ ୬ଟି ସ୍ଥାନରେ ନଦୀବନ୍ଧ ଅତ୍ୟନ୍ତ ଦୃବଳ ଥିବାରୁ ସୁନ୍ଦରପୁର ଗାଁ ନିକଟରେ ନଦୀବନ୍ଧରୁ ପାଣି ଝର ପଡୁଥିବାରୁ ବନ୍ୟାଜଳ ଗାଁ ଦାଣ୍ଡରେ ଲହଡି ଭାଙ୍ଗୁଛି। ସେପଟେ ଶୀତଳପୁର ଗାଁ ନିକଟରେ ବିଗତ ୧୦ବର୍ଷ ହେବ ଶାଳନ୍ଦୀ ନଦୀବନ୍ଧ କୂଳ ଖାଇ ସମ୍ପୁର୍ଣ୍ଣ ଲିନ୍ନ ହୋଇଥିବାରୁ ସାମନ୍ୟ ଜୁଆରପାଣି ଅଟକାଇବା ପାଇଁ ବିଭାଗ ସ୍ଥାୟୀ ପଦକ୍ଷପ ନେଉନଥିବାରୁ ଅନେକ ସମୟରେ ନଈକୂଳିଆବାସୀଙ୍କ ଧନଜୀବନ ହାନି ହେଉଥିବା ଅଭିଯୋଗ କରିଛନ୍ତି ଗ୍ରାମବାସୀ। ବିଶେଷକରି ନଦୀରେ ହିଂସ୍ର କୁମ୍ଭୀର ଥିବାରୁ ପରିବାର ଲୋକଙ୍କୁ ପାଳି କରି ଜଗି ରହୁଛନ୍ତି ମୁରବୀମାନେ। ଚଳିତବର୍ଷ ବନ୍ୟା ନିୟନ୍ତ୍ରଣ ପାଇଁ ଜଳସେଚନ ବିଭାଗ ପକ୍ଷରୁ ନଦୀବନ୍ଧରେ ବାଲି ବସ୍ତା ପକା ଯାଇଥିଲେ ମଧ୍ୟ ବନ୍ୟା ନିୟନ୍ତ୍ରଣ କରିବା ସମ୍ଭବ ନୁହେଁ ବୋଲି ଅଭିଯୋଗ କରିଛନ୍ତି ନଦୀକୂଳରେ ବସବାସ କରୁଥିବା ପରିବାରମାନେ। ସେହିପରି ଦୋହରାପାଟଣା, ବାଲିଘାଈ, ଷାଠିବାଙ୍କୁଡା ଓ ବୋଡକ ନିକଟରେ ପ୍ରତିଦିନ ନଦୀବନ୍ଧରୁ ବଡବଡ ଅତଡା ଖସୁଥିବାରୁ ତାହା ଅତ୍ୟନ୍ତ ଦୃବଳ ଅବସ୍ଥାରେ ରହିଛି। ଚଳିତ ବନ୍ୟା ବଡଧରଣ ନହୋଇଥିଲେ ମଧ୍ୟ ନଈ ଫୁଲିବା ଫଳରେ ଉକ୍ତ ଅଞ୍ଚଳର ନଦୀକୂଳିଆବାସିଙ୍କ ନିଦ ହଜି ଯାଇଛି।
Popular Categories
Previous article
Next article