ବ୍ରଜରାଜନଗର: ଝାରସୁଗୁଡ଼ା ପୋଲିସ ଦ୍ୱାରା ଗିରଫ ହୋଇ ଜେଲରେ ଥିବା ନମିଶ ଯାଦବଙ୍କ ନାମରେ ଜାତୀୟ ନିରାପତ୍ତା ଆଇନ (ଏନଏସଏ) ଲାଗୁ ହୋଇଛି। ଗତ କାଲି ଏ ବାବଦରେ ଆଦେଶନାମା ପ୍ରକାଶ ପାଇଥିବା ସୂଚନା ମିଳିଛି। ନମିଶଙ୍କ କ୍ରାଇମ ରେକର୍ଡ ବେଶ ଲମ୍ଭା ରହିଥିବା ସହିତ ତାଙ୍କ ନାମରେ ଏକାଧିକ ଅପରାଧିକ ମାମଲା ରହିଥିବା ପୋଲିସ ସୁତ୍ରରୁ ପ୍ରକାଶ।
ଗତ ୨୦୧୯ ମସିହା ବ୍ରଜରାଜନଗର ଅଂଚଳରେ ଘଟିଥିବା ଏକ ହତ୍ୟାକାଣ୍ଡରେ ସମ୍ପୃକ୍ତି ଅଭିଯୋଗରେ ନମିଶ ଗିରଫ୍ ହୋଇ ଜେଲରେ ଅଛନ୍ତି। ସେପଟେ ନମିଶକୁ ଏନଏସଏ ଲାଗିବା ପରେ ବ୍ରଜରାଜନଗର ଅଂଚଳରେ ଅପରାଧିକ କାର୍ଯ୍ୟକଳାପରେ ଲିପ୍ତ ଥିବା ବ୍ୟକ୍ତିଙ୍କୁ ଝଟକା ଲାଗିଛି। ବର୍ଷ ବର୍ଷ ଧରି ଗୋଷ୍ଠୀଙ୍କ ମଧ୍ୟରେ ଲାଗିଥିବା ପତିଆରାର ଲଢେଇକୁ ଦମନ କରିବା ସହିତ ସ୍ଥାନୀୟ ଅଂଚଳର ଆଇନ ଶୃଙ୍ଖଳା ବାବଦରେ ପୋଲିସ କଡ଼ା ଅଭିମୂଖ୍ୟ ଗ୍ରହଣ କରୁଥିବା ନେଇ ସାଧାରଣରେ ଚର୍ଚ୍ଚା ଜୋର ଧରିଛି।
