ସମାଜ ଡିଜିଟାଲ ଡେସ୍କ: ବିହାର ସରକାରରେ ମନ୍ତ୍ରୀ ଶବଚ୍ଚ କୁମାରଙ୍କ ଉପରେ ଆକ୍ରମଣ ହୋଇଛି । ମନ୍ତ୍ରୀ ନାଳନ୍ଦାର ଏକ ଗାଁକୁ ଲୋକଙ୍କୁ ଭେଟିବାକୁ ଯାଇଥିଲେ, ଯାହା ପରେ ଉତ୍ତ୍ୟକ୍ତ ଲୋକମାନେ ତାଙ୍କୁ ଘଉଡାଇ ଦେଇଥିଲେ । କୁହାଯାଉଛି ଯେ ଉତ୍ତ୍ୟକ୍ତ ଗ୍ରାମବାସୀମାନେ ମନ୍ତ୍ରୀଙ୍କୁ ବାଡିରେ ଆକ୍ରମଣ କରିବାକୁ ପ୍ରୟାସ କରିଥିଲେ । ଏହି ଆକ୍ରମଣରେ ତାଙ୍କ ଅଙ୍ଗରକ୍ଷୀ ଆହତ ହୋଇଛନ୍ତି । ନିଜର ଜୀବନ ବଞ୍ଚାଇବା ପାଇଁ ମନ୍ତ୍ରୀ ୧ କିଲୋମିଟର ପର୍ଯ୍ୟନ୍ତ ଦୌଡି ଦୌଡି ପଳାଇ ଆସଇଥିଲେ । ଏବେ ମନ୍ତ୍ରୀ ସୁରକ୍ଷିତ ଅଛନ୍ତି ।
ସୂଚନା ଅନୁସାରେ ନାଳନ୍ଦାର ଏକ ଗାଁରେ ଏକ ଦୁର୍ଘଟଣାରେ ଅନେକ ଲୋକଙ୍କର ମୃତ୍ୟୁ ହୋଇଥିଲା । ମନ୍ତ୍ରୀ, ବିଧାୟକ ଏବଂ ଅନ୍ୟ କର୍ମୀଙ୍କ ସହିତ ପୀଡିତମାନଙ୍କୁ ଭେଟିବାକୁ ଯାଇଥିଲେ । ଯେଉଁଠାରେ କୌଣସି କଥାକୁ ନେଇ ବିବାଦ ସୃଷ୍ଟି ହୋଇଥିଲା ଏବଂ ଗାଁ ଲୋକମାନେ ମନ୍ତ୍ରୀଙ୍କୁ ଆକ୍ରମଣ କରିଥିଲେ । କୁହାଯାଉଛି ଯେ ଗ୍ରାମବାସୀ ମନ୍ତ୍ରୀଙ୍କୁ ୧କି.ମି ପର୍ଯ୍ୟନ୍ତ ପିଛା କରି ଆସିଥିଲେ । ଜୀବନ ବଞ୍ଚାଇବା ପାଇଁ ମନ୍ତ୍ରୀ ୧କି.ମି ଦୌଡି ଗାଡି ପାଖରେ ପହଞ୍ଚି ସେଠାରୁ ପଳାଇ ଆସିଥିଲେ ।
କୁହାଯାଉଛି ଯେ ପୀଡିତଙ୍କ ସହ ସାକ୍ଷାତ ସମୟରେ କ୍ଷତିପୂରଣ ପ୍ରସଙ୍ଗ ଉଠିବା ପରେ ମନ୍ତ୍ରୀ କହିଥିଲେ ଯେ ପ୍ରକ୍ରିୟା ଅନୁଯାୟୀ କାମ କରାଯାଏ । ଏହା ଗ୍ରାମବାସୀଙ୍କୁ କ୍ରୋଧିତ କରିଥିଲା ଏବଂ ମାମଲା ଆହୁରି ଖରାପ ହୋଇଥିଲା । ଯେତେବେଳେ ମନ୍ତ୍ରୀ ସେଠାରୁ ଯିବାକୁ ଲାଗିଲେ ଗାଁ ଲୋକେ ଆକ୍ରମଣ କରିଥିଲେ ।
