ଆଦିଲ୍ଲୀ – ସେନାରେ ଯୋଗଦେବା ପାଇଁ ଅଗ୍ନିପଥ ଯୋଜନାକୁ ଦେଶର ଅନେକ ଅଂଶରେ ବିରୋଧ କରାଯିବା ସହ ହିଂସାତ୍ମକ ପ୍ରଦର୍ଶନ କରାଯାଇଥିଲା । ଏହା ଭିତରେ ଏ ବିଷୟରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ମୋଦୀ ମୁହଁ ଖୋଲିଛନ୍ତି । ଏବେ ଦେଶର ପ୍ରତିରକ୍ଷା ବିଭାଗ ସମସ୍ତ ବର୍ଗର ଯୁବକଙ୍କ ପାଇଁ ଉନ୍ମୁକ୍ତ ହେଲା ବୋଲି ସେ ପ୍ରକାଶ କରିଛନ୍ତି । ବେଙ୍ଗାଲୁରୁରେ ଉଦ୍ବୋଧନ ଦେବା ସମରେ ଯୋଜନାର ନାମ ନ ନେଇ ସେ ଦେଶରେ ଏବେ ଯୁବକମାନଙ୍କୁ ପ୍ରତିରକ୍ଷା ବିଭାଗରେ ଯୋଗଦେବା ପାଇଁ ବଡ ସୁଯୋଗ ମିଳିବ ବୋଲି କହିଛନ୍ତି । ସରକାର ଗତ ୮ ବର୍ଷ ମଧ୍ୟରେ ମହାକାଶ ଏବଂ ପ୍ରତିରକ୍ଷା ବିଭାଗ ଯୁବକମାନଙ୍କ ପାଇଁ ଉନ୍ମୁକ୍ତ କରିଛନ୍ତି ବୋଲି ସେ ପ୍ରକାଶ କରିଛନ୍ତି ।
ଡ୍ରୋନଠାରୁ ନେଇ ଅନ୍ୟ ବୈଷୟିକ କାର୍ଯ୍ୟକ୍ରମରେ ଯୁବକମାନଙ୍କୁ କାମ କରିବା ପାଇଁ ସୁଯୋଗ ଦିଆଯାଉଛି । ଏବେ ବିଶ୍ୱସ୍ତରୀୟ ବୈଷୟିକ ଜ୍ଞାନକୌଶଳପାଇଁ ଯୁବକମାନଙ୍କୁ ପ୍ରୋତ୍ସାହନ ଦିଆଯାଉଛି । ଗତ ୮ ବର୍ଷ ମଧ୍ୟରେ ୧୦୦ରୁ ଅଧିକ ବିଲିୟନ ଡଲାର କମ୍ପାନୀ ପ୍ରସ୍ତୁତ ହୋଇଛନ୍ତି । ଏଥିରେ ପ୍ରତିମାସରେ ନୂଆ କମ୍ପାନୀ ଯୋଡି ହେଉଛନ୍ତି । ସାରା ଦୁନିଆଁରେ ଏବେ ଭାରତ ଦ୍ରୁତ ଗତିରେ ପ୍ରଗତି କରୁଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।
କର୍ଣ୍ଣାଟକରେ ପ୍ରଧାନମନ୍ତ୍ରୀ ୨୭୦୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶୁଭାରମ୍ଭ କରିଛନ୍ତି । ଏଥିରେ ଆମ୍ବେଦକର ସ୍କୁଲ୍ ଅଫ୍ ଇକୋନମିକ୍ସ୍ର ଉଦ୍ଘାଟନ ସହ ବେଙ୍ଗାଲୁରରେ ବିଭିନ୍ନ ପ୍ରକଳ୍ପର ଉଦ୍ଘାଟନ କରିଛନ୍ତି ।
