ପଞ୍ଜାବର ମୋଗା ନିକଟରେ ବାୟୁସେନାର ଏକ ମିଗ୍-୨୧ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣେ ପାଇଲଟ୍ ଅଭିନବ ଚୌଧୁରୀଙ୍କ ମୃତ୍ୟୁ ଘଟିଛି। ନିୟମିତ ପ୍ରଶିକ୍ଷଣ ଉଡ଼ାଣ ସମୟରେ ଗୁରୁବାର ରାତି ପ୍ରାୟ ସାଢ଼େ ୯ଟାରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି।
ଏସପି (ମୁଖ୍ୟାଳୟ) ଗୁରଦୀପ ସିଂହଙ୍କ ସୂଚନା ଅନୁସାରେ, ମୋଗାଠାରୁ ପ୍ରାୟ ୨୫ କିଲୋମିଟର ଦୂର ବାଘାପୂରାନା ଅନ୍ତର୍ଗତ ଲଙ୍ଗିୟାନା ଖୁର୍ଦ ଗାଁ ନିକଟରେ ବିମାନଟି ଖସିପଡ଼ିଥିଲା। ଏହା ପରେ ବିମାନରେ ନିଆଁ ଲାଗିଯାଇଥିଲା। ବିମାନଟି ମାଟି ଭିତରକୁ ୫ ଫୁଟ ଗଭୀରକୁ ପଶିଯାଇଥିଲା। ପାଇଲଟ୍ ଶେଷ ମୁହୂର୍ତ୍ତରେ ବିମାନରୁ ଡେଇଁ ପଡ଼ିଥିଲେ। ଫଳରେ ତାଙ୍କ ବେକ ଭାଙ୍ଗିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ପାଗ ଖରାପ ଯୋଗୁ ଉଦ୍ଧାରକାରୀ ଦଳ ରାତି ପ୍ରାୟ ସାଢ଼େ ୧୧ଟାରେ ଘଟଣାସ୍ଥଳରେ ପହଞ୍ଚିଥିଲେ।
