ସମାଜ ଡିଜିଟାଲ ଡେସ୍କ: କଟକ ବୈଆଳିଶମୌଜାରୁ ବନ୍ଧୁକ କାରଖାନା ଠାବ ହେବା ଘଟଣାରେ ମାଷ୍ଟରମାଇଣ୍ଡ ତଥା ମୁଖ୍ୟ ଅଭିଯୁକ୍ତ ଧରାପଡ଼ିଛି। କଟକ ଶଙ୍କରପୁର ଅଞ୍ଚଳରୁ ସ୍ପେଶାଲ ଟାସ୍କ ଫୋର୍ସ(ଏସଟିଏଫ) ମାଷ୍ଟରମାଇଣ୍ଡ ଚଗଲା ଖୁଣ୍ଟିଆକୁ ଗିରଫ କରିଛି। ଚଗଲା ନାଁରେ ଏକ ହତ୍ୟା ମାମଲା ମଧ୍ୟ ରହିଛି। ଏହି ଘଟଣାରେ ପୂର୍ବରୁ ୪ ଜଣଙ୍କୁ ଏସଟିଏଫ ଗିରଫ କରିଥିଲା।
ସୂଚନା ଅନୁସାରେ, କଟକ ବୟାଳିଶମୌଜାରେ ବେଆଇନ୍ ବନ୍ଧୁକ କାରଖାନା ଚାଲିଥିଲା। ଏ ନେଇ ବିଶ୍ଵସ୍ତ ସୂତ୍ରରୁ ସୂଚନା ପାଇବା ପରେ ଏସଟିଏଫ ପକ୍ଷରୁ ଚଢ଼ାଉ କରାଯାଇଥିଲା। ଚଢ଼ାଉ ସମୟରେ ସେଠାରୁ ୩୦ରୁ ଅଧିକ ବନ୍ଧୁକ ଜବତ ହୋଇଥିଲା। ଘଟଣାସ୍ଥଳରୁ ୪ ଜଣଙ୍କୁ ଗିରଫ କରାଯାଇଥିଲା। ଦୀର୍ଘ ଦିନ ଧରି ଏଠାରେ ବେଆଇନ ଭାବେ ବନ୍ଧୁକ ତିଆରି କରାଯାଇ ରାଜ୍ୟର ବିଭିନ୍ନ ଅଞ୍ଚଳକୁ ଯୋଗାଣ କରାଯାଉଥିଲା।
Comments are closed.