ମଣିପୁରର ଦ୍ୱିତୀୟ ତଥା ଶେଷ ପର୍ଯ୍ୟାୟ ବିଧାନସଭା ନିର୍ବାଚନ ଲାଗି ମତଦାନ ଶେଷ ହୋଇଛି। ପ୍ରଥମିକ ରିପୋର୍ଟ ଅନୁସାରେ ୬୭.୭୭% ମତଦାନ ହୋଇଥିବା ଜଣାପଡିଛି। ଅପରାହ୍ନ ୪ଟାରେ ମତଦାନ ଶେଷ ହୋଇଛି ।
ଏହି ପର୍ଯ୍ୟାୟରେ ୧୦ଟି ଜିଲ୍ଲାର ୨୨ଟି ନିର୍ବାଚନ ମଣ୍ଡଳୀରେ ମତଦାନ ହୋଇଛି। ରାଜ୍ୟରେ ଦୁଇଟି ପର୍ଯ୍ୟାୟରେ ବିଧାନସଭା ନିର୍ବାଚନ ଶେଷ ହୋଇଛି। ଏହି ପର୍ଯ୍ୟାୟରେ ୧୦ଟି ଜିଲ୍ଲାର ୨୨ଟି ନିର୍ବାଚନ ମଣ୍ଡଳୀରେ ମତଦାନ ହୋଇଛି । ସେଗୁଡ଼ିକ ମଧ୍ୟରୁ ୧୧ଟି ଆସନ ଅନୁସୂଚିତ ଜନଜାତିର ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ରହିଛି । ଥୋବାଲ, କାକଚିଙ୍ଗ, ଜିରିବାମ୍, ଚାଣ୍ଡେଲ, ଟେଙ୍ଗନୋପାଲ, କାମ୍ଜୋଙ୍ଗ, ଉଖରୁଲ,ସେନାପତି, ତାମେଙ୍ଗଲଙ୍ଗ ଓ ନୋନି ଜିଲ୍ଲାରେ ଥିବା ଏହି ନିର୍ବାଚନ ମଣ୍ଡଳୀଗୁଡ଼ିକରେ ମତଦାନ ଶେଷ ହୋଇଛି। ୨ ଜଣ ମହିଳାଙ୍କ ସମେତ ମୋଟ୍ ୯୨ ଜଣ ପ୍ରାର୍ଥୀ ଏଥିପାଇଁ ପ୍ରତିଦ୍ୱନ୍ଦିତା କରୁଥିଲେ ।
- Advertisement -
ଆସନ୍ତା ୧୦ ତାରିଖରେ ମଣିପୁର ସମେତ ୫ଟି ରାଜ୍ୟରେ ଅନୁଷ୍ଠିତ ନିର୍ବାଚନର ଭୋଟ ଗଣତି କରାଯାଇ ଫଳାଫଳ ଘୋଷଣା କରାଯିବ।
