ଭୁବନେଶ୍ବର : ଆମ୍ବ କିଲୋ ମୂଲ୍ୟ ଲକ୍ଷେରୁ ଅଧିକ ଟଙ୍କା। ଶୁଣିବାକୁ ଆଶ୍ଚର୍ଯ୍ୟ ଲାଗିଲେ ବି ଏହା ସତ। ଜାପାନ ଭେରାଇଟିର ମିଆଜାକି ଆମ୍ବର ପସରା ଭୁବନେଶ୍ବରରେ ମେଲିଛି। ଏହି ଆମ୍ବର ମୂଲ୍ୟ ବିଦେଶରେ ଏକଲକ୍ଷ ଟଙ୍କାରୁ ଅଧିକ। ତେବେ ଓଡ଼ିଶାରେ ଏହି ଆମ୍ବ ଉତ୍ପାଦନ ହେଉଛି। ରାଜ୍ୟରେ ଏହି ଆମ୍ବର ଦାମ୍ କମ୍ ଥିଲେ ବି ଦେଶ ବାହାରେ ଏହାର ମୂଲ୍ୟ ଅଧିକ।
ଭୁବନେଶ୍ବର ଆଇସିଏଆରଠାରେ ଅନୁଷ୍ଠିତ ଆମ୍ବ ପ୍ରଦର୍ଶନୀରେ ଏଭଳି ଆମ୍ବ ଦେଖିବାକୁ ମିଳିଥିଲା। ବରଗଡ଼ରେ ଫାର୍ମରେ ଫଳୁଚି ଏହି ଆମ୍ବ। ଏନେଇ ଆମ୍ବ ଚାଷୀଙ୍କ କହିବା କଥା ହେଲା, ଆମ୍ବର କ୍ବାଲିଟି ଭଲ ଓ ସ୍ବାଦ ମଧ୍ୟ ଭଲ ରହିଛି। ଉପହାର ଦେବା ପାଇଁ ଏହା ବେଶ୍ ଭଲ। ଏହି ଆମ୍ୱରେ ଔଷଧୀୟ ଗୁଣ ଭରପୂର ହୋଇ ରହିଛି। କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂହ ଚୌହାନଙ୍କ ସମେତ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ, ବିଧାୟକ ବାବୁ ସିଂ, କୃଷି ବିଭାଗ ପ୍ରମୁଖ ସଚିବ ଅରବିନ୍ଦ ପାଢ଼ୀ ପ୍ରମୁଖ ଏହି ଆମ୍ବ ପ୍ରଦର୍ଶନୀ ବୁଲି ଦେଖିଥିଲେ। ଏଠାରେ ଭଳିକି ଭଳି ଆମ୍ବର ପସରା ଖୋଲିଥିଲା।
ଆମ୍ବ କିଲୋ ଲକ୍ଷେ ଟଙ୍କା ; ଭୁବନେଶ୍ବରରେ ମେଲିଛି ଆମ୍ବର ପସରା
Popular Categories
Previous article
Next article