ଚୌଦ୍ୱାର, : ଜଣେ ନାବାଳକ ଛାତ୍ରକୁ ମାଡ଼ ମାରି ତା ପାଖରୁ ମୋବାଇଲ ଫୋନ୍ ଓ ଟଙ୍କା ଲୁଟ କରିବା ଅଭିଯୋଗରେ ଚୌଦ୍ୱାର ପୁଲିସ ଜଣେ ଯୁବକକୁ ଗିରଫ କରି ଅଦାଲର୍ତ ଚାଲାଣ କରିଛି । ଗିରଫ ଅଭିଯୁକ୍ତ ଜଣକ ହେଲା ଚୌଦ୍ୱାର ତଳବଜାର ସାମଲ ସାହିର ସୌମ୍ୟ ରଞ୍ଜନ ସାମଲ(୨୦) ଓରଫ ଧଣ୍ଡ ।
ପୁଲିସ ସୂଚନା ଅନୁଯାୟୀ ଜଗତପୁର ଖର୍ଦ୍ଦାସାହିର ଜଣେ ନାବାଳକକୁ ଚୌଦ୍ୱାର ରୂପଯାତ୍ରା ଭସାଣି ସଂଧ୍ୟାରେ ଟିଉସନ୍ ପଢ଼ିବା ପାଇଁ ଚୌଦ୍ୱାର ଆସୁଥିବାବେଳେ ସୌମ୍ୟ ରଞ୍ଜନ ବିରୂପା ବ୍ୟାରେଜ ରାସ୍ତାରେ ତାଙ୍କୁ ଅଟକାଇ ହଠାତ୍ ତାକୁ ଧକ୍କା ମାରିଥିଲା । ସେ ତଳେ ପଡ଼ି ଯିବାରୁ ତା ମୁଣ୍ଡକୁ ଏକ ମଦ ବୋତଲରେ ପିଟି ତା ପାଖରୁ ଏକ ମୋବାଇଲ ଫୋନ୍ ଓ ନଗଦ୫୬୦ଟଙ୍କା ଛଡ଼ାଇନେଇ ଫେରାର ହୋଇ ଯାଇଥିଲା । ବୋତଲ ମାଡ଼ରେ ନାବାଳକଙ୍କ ମୁଣ୍ଡ ଫାଟି ସେ ଆହତ ହୋଇଥିଲା । ତାଙ୍କ ବାପା ଏସମ୍ପର୍କରେ ଚୌଦ୍ୱାର ଥାନାରେ ଲିଖିତ ଅଭିଯୋଗ କରିବାରେ ପୁଲିସ ଏସଂକ୍ରାନ୍ତରେ ଏକ ମାମଲା ରୁଜୁ କରି ଘଟଣାର ତଦନ୍ତ କରି ସୋମବାର ଦିନ ଅଭିଯୁକ୍ତ ସୌମ୍ୟ ରଞ୍ଜନକୁ ଗିରଫ କରିଥିଲେ ।
Comments are closed.